IPL 2025: ಹರಾಜು ಪಟ್ಟಿಯಲ್ಲಿಲ್ಲ ಬೆನ್‌ ಸ್ಟೋಕ್ಸ್‌ ಹೆಸರು!

ಮುಂಬೈ: ಐಪಿಎಲ್‌ ರಿಟೆನ್ಶನ್‌ ಪಟ್ಟಿ ಅಂತಿಮವಾದ ಬಳಿಕ ಮೆಗಾ ಹರಾಜಿಗೆ ಬಿಸಿಸಿಐ (BCCI) ಸಿದ್ದತೆ ನಡೆಸುತ್ತಿದೆ. ಆಟಗಾರರು ತಮ್ಮಲ್ಲಿ ಉಳಿಸಿಕೊಂಡಿರುವ ಆಟಗಾರರ ಪಟ್ಟಿಯನ್ನು ಬಿಸಿಸಿಐಗೆ ನೀಡಿದ್ದು, ಉಳಿದ ಆಟಗಾರರು ಹರಾಜು ಎದುರಿಸಲಿದ್ದಾರೆ.

2025ರ ಐಪಿಎಲ್‌ಗಾಗಿ ಅಂತಿಮಗೊಂಡಿರುವ 1574 ಮಂದಿಯನ್ನೊಳಗೊಂಡ ಹರಾಜು ಪಟ್ಟಿಯಲ್ಲಿ ಇಂಗ್ಲೆಂಡ್‌ನ‌ ಆಲ್‌ ರೌಂಡರ್‌ ಬೆನ್‌ ಸ್ಟೋಕ್ಸ್‌ ಹೆಸರು ಕಾಣಿಸಿಕೊಂಡಿಲ್ಲ. ಐಪಿಎಲ್‌ ಬಳಿಕದ ಟೆಸ್ಟ್‌ ಸರಣಿ ಆಡುವ ಉದ್ದೇಶದಿಂದ ಬೆನ್‌ ಸ್ಟೋಕ್ಸ್‌ ಐಪಿಎಲ್‌ ನಲ್ಲಿ ಕಾಣಿಸಿಕೊಳ್ಳದಿರಲು ನಿರ್ಧರಿಸಿದ್ದಾರೆ.

ಆದರೆ ಇತ್ತೀಚೆಗೆ ಅಂತಾರಾಷ್ಟ್ರೀಯ ಕ್ರಿಕೆಟ್‌ ನಿಂದ ದೂರವಾದ ಇಂಗ್ಲೆಂಡ್‌ನ‌ 42ರ ಮಾರಕ ವೇಗಿ ಜೇಮ್ಸ್‌ ಆ್ಯಂಡರ್ಸನ್‌ ಐಪಿಎಲ್‌ ಹರಾಜಿಗೆ ಹೆಸರು ನೀಡಿದ್ದಾರೆ. ಅವರು 2014ರಲ್ಲಿ ಕೊನೆಯ ಬಾರಿಗೆ ಟಿ20 ಕ್ರಿಕೆಟ್‌ ಆಡಿದ್ದರು. ಅವರಲ್ಲದದೆ ಇಟಲಿಯನ್‌ ವೇಗಿ ಥಾಮಸ್‌ ಡ್ರೇಕ, ಭಾರತೀಯ ಮೂಲದ ಅಮೆರಿಕನ್‌ ಮಧ್ಯಮ ವೇಗಿ ಸೌರಭ್‌ ನೇತ್ರಾವಲ್ಕರ್‌ ಪಟ್ಟಿಯಲ್ಲಿದ್ದಾರೆ.

ಅಲ್ಲದೆ, ತಂಡಗಳಿಂದ ಬಿಡುಗಡೆಗೊಂಡಿರುವ ಭಾರತದ ತಾರೆಯರಾದ ರಿಷಭ್‌ ಪಂತ್‌, ಶ್ರೇಯಸ್‌ ಅಯ್ಯರ್‌, ಕೆ. ಎಲ್‌.ರಾಹುಲ್‌, ಆರ್‌.ಅಶ್ವಿ‌ನ್‌ ಮತ್ತು ಯಜುವೇಂದ್ರ ಚಹಲ್‌ ಪಟ್ಟಿಯಲ್ಲಿದ್ದು, ಅವರೆಲ್ಲರ ಮೂಲ ಬೆಲೆ 2 ಕೋಟಿ ರೂ. ಆಗಿದೆ. ಐಪಿಎಲ್‌ ಮೆಗಾ ಹರಾಜು ನ.24, 25ರಂದು ನಡೆಯಲಿದೆ.