ಬೆಳಪು ಗ್ರಾ.ಪಂ.: ಕಾಮಗಾರಿ ಉದ್ಘಾಟನೆ

ಕಾಪು: ಬೆಳಪು ಗ್ರಾ. ಪಂ. ವ್ಯಾಪ್ತಿಯಲ್ಲಿ ಶಾಸಕ ಲಾಲಾಜಿ ಆರ್‌. ಮೆಂಡನ್‌ ಅವರ ಶಿಫಾರಸಿನ ಮೇರೆಗೆ ನಿರ್ಮಾಣಗೊಂಡಿರುವ 20 ಲಕ್ಷ ರೂ. ವೆಚ್ಚದ ಅಭಿವೃದ್ಧಿ ಕಾಮಗಾರಿಗಳನ್ನು ಜೂ. 27ರಂದು ಉದ್ಘಾಟಿಸಲಾಯಿತು.

ಶಾಸಕ ಲಾಲಾಜಿ ಆರ್‌. ಮೆಂಡನ್‌ ಕಾಮಗಾರಿ ಉದ್ಘಾಟಿಸಿ, ಈ ಹಿಂದೆ ಗ್ರಾಮಕ್ಕೆ ಭೇಟಿ ನೀಡಿದ್ದ ಸಂದರ್ಭದಲ್ಲಿ ಗ್ರಾಮಸ್ಥರು ಮನವಿ ನೀಡಿದ್ದ ನಾಲ್ಕು ಕಾಮಗಾರಿಗಳನ್ನು ಆದ್ಯತೆಯ ಮೇರೆಗೆ ಪೂರ್ಣಗೊಳಿಸಲಾಗಿದೆ. ಇದರ ಜತೆಗೆ ಬೆಳಪು ಗ್ರಾಮದ ಮುಖ್ಯ ರಸ್ತೆ ಅಭಿವೃದ್ಧಿಗೆ 2 ಕೋ.ರೂ. ವೆಚ್ಚದ ಪ್ರಸ್ತಾವನೆಯನ್ನು ಸರಕಾರಕ್ಕೆ ಸಲ್ಲಿಸಲಾಗಿದೆ ಎಂದರು.

ಬೆಳಪು ಖಾನ ಬ್ರಹ್ಮಲಿಂಗೇಶ್ವರ ರಸ್ತೆ ಅಭಿವೃದ್ಧಿ, ಪಣಿಯೂರು ರಾಮದಾಸ್‌ ಭಟ್‌ ಮನೆ ಬಳಿ ರಸ್ತೆ ಅಭಿವೃದ್ಧಿ, ಕೊಡಪಟ್ಟೆ ಕಾಂತಪ್ಪ ದೇವಾಡಿಗ ಮನೆ ಬಳಿ ರಸ್ತೆ ಅಭಿವೃದ್ಧಿ, ಬೆಳಪು ನಂದಿಕೋಣ ಗುಡಿಯ ಬಳಿಯ ರಸ್ತೆ ಅಭಿವೃದ್ಧಿ ಕಾಮಗಾರಿಯನ್ನು ಉದ್ಘಾಟಿಸಲಾಯಿತು.

ಉಡುಪಿ ಜಿ.ಪಂ. ಸದಸ್ಯೆ ಶಿಲ್ಪಾ ಜಿ. ಸುವರ್ಣ, ಬೆಳಪು ಗ್ರಾ.ಪಂ. ಅಧ್ಯಕ್ಷ ದೇವಿಪ್ರಸಾದ್‌ ಶೆಟ್ಟಿ ಬೆಳಪು, ಉಪಾಧ್ಯಕ್ಷೆ ಶೋಭಾ ಭಟ್‌, ಗ್ರಾ.ಪಂ. ಸದಸ್ಯ ಸುರೇಶ್‌ ದೇವಾಡಿಗ, ಅಭಿವೃದ್ಧಿ ಅಧಿಕಾರಿ ರಮೇಶ್‌ ಎಚ್‌.ಆರ್‌., ಪಕ್ಷದ ಪ್ರಮುಖರಾದ ಸುರೇಂದ್ರ ಪಣಿಯೂರು, ಪ್ರಕಾಶ್‌ ರಾವ್‌ ಬೆಳಪು, ಶಂಕರ್‌ ಬೆಳಪು, ಕೆ. ಕೊರಗ, ಬಾಲಕೃಷ್ಣ ಆಚಾರ್ಯ, ಗಣೇಶ್‌ ಆಚಾರ್ಯ ವಿವಿಧ ಇಲಾಖಾಧಿಕಾರಿಗಳು ಉಪಸ್ಥಿತರಿದ್ದರು.