Advertisement
ಸ್ಕಾರ್ಚರ್ಸ್‌ನ ಸ್ಕೋರ್ 6.5 ಓವರ್‌ಗಳಲ್ಲಿ 2 ವಿಕೆಟ್ ನಷ್ಟಕ್ಕೆ 30 ಆಗಿತ್ತು, ತೀವ್ರ ತರದ ಬೌನ್ಸ್ ಕಾರಣ ಆಟವನ್ನು ನಿಲ್ಲಿಸಲಾಯಿತು. ಅಂತಿಮವಾಗಿ ಪಂದ್ಯವನ್ನೇ ರದ್ದು ಮಾಡಲಾಯಿತು. ಅಸುರಕ್ಷಿತ ಪಿಚ್ ಪರಿಸ್ಥಿತಿಗಳು ಪಂದ್ಯವನ್ನು ರದ್ದುಗೊಳಿಸುವಂತೆ ಒತ್ತಾಯಿಸಿದ್ದು BBL ಇತಿಹಾಸದಲ್ಲಿ ಇದು ಮೊದಲ ಬಾರಿಯಾಗಿದೆ.
ರೆನೆಗೇಡ್ಸ್ ತಂಡದ ಪೇಸರ್ ವಿಲ್ ಸದರ್‌ಲ್ಯಾಂಡ್ ಅವರ ಮೂರು ಎಸೆತಗಳು ಎಲ್ಲಾ ಮೂರು ಸಂದರ್ಭಗಳಲ್ಲಿ ಜೋಶ್ ಇಂಗ್ಲಿಸ್ ಅವರನ್ನು ಬೆಚ್ಚಿ ಬೀಳಿಸುವ ಮೂರು ವಿಭಿನ್ನ ರೀತಿಯ ಬೌನ್ಸ್‌ಗಳನ್ನು ಹೊಂದಿದ್ದವು.ಕೀಪಿಂಗ್ ಮಾಡುತ್ತಿದ್ದ ಕ್ವಿಂಟನ್ ಡಿ ಕಾಕ್ ಅವರ ಮುಖಭಾವವೇ ವಿಚಿತ್ರವಾಗಿತ್ತು. ಈ ರೀತಿಯ ಪಿಚ್‌ನಲ್ಲಿ ಬ್ಯಾಟ್ ಮಾಡುವುದು ತುಂಬಾ ಅಪಾಯಕಾರಿ ಮತ್ತು ಅಂಪೈರ್‌ಗಳು ಏನಾದರೂ ಸಂಭವಿಸುವ ಮೊದಲು ಪಂದ್ಯ ನಿಲ್ಲಿಸುವ ನಿರ್ಧಾರ ಮಾಡಿ ಉತ್ತಮ ಕೆಲಸ ಮಾಡಿದ್ದಾರೆ. “ಮುಂಚಿನ ದಿನ ಭಾರಿ ಮಳೆಯಾಗಿದ್ದು, ಇಂದು ನಡೆದಿದ್ದು ದುರದೃಷ್ಟಕರವಾಗಿದೆ. ಸ್ವಲ್ಪ ಅಪಾಯಕಾರಿಯಾದ ಕೆಲವು ಸಂಗತಿಗಳು ನಡೆಯುತ್ತಿವೆ” ಎಂದು ಆರನ್ ಫಿಂಚ್ ಅಧಿಕೃತ ಪ್ರಸಾರದಲ್ಲಿ ಹೇಳಿದ್ದಾರೆ.