BBK11: ಇವತ್ತು ಬಿಗ್‌ಬಾಸ್‌ ಮನೆಯಿಂದ ಆಚೆ ಬರುವುದು ಇವರೇ ನೋಡಿ

ಬೆಂಗಳೂರು: ಬಿಗ್‌ ಬಾಸ್‌ (Bigg Boss Kannada-11) ಮನೆಯಿಂದ 8ನೇ ವಾರಕ್ಕೆ ಮತ್ತೊಬ್ಬರು ಮನೆಯಿಂದ ಆಚೆ ಬರಲಿದ್ದಾರೆ. ಪ್ರೇಕ್ಷಕರಿಗೆ ಅವರು ಯಾರು ಎನ್ನುವುದರ ಬಗ್ಗೆ ಕುತೂಹಲ ಹೆಚ್ಚಾಗಿದೆ.

ವಾರಗಳು ದಾಟುತ್ತಿದ್ದಂತೆ ದೊಡ್ಮನೆ ಆಟದ ಶೈಲಿ ಹಾಗೂ ಸ್ಪರ್ಧಿಗಳ ತಂತ್ರಗಾರಿಕೆಯೂ ಬದಲಾಗುತ್ತಿದೆ. ವೈಯಕ್ತಿಕವಾಗಿ ಆಡಿ ತಾವು ಜನರ ಮನವನ್ನು ಗೆಲ್ಲಬೇಕೆನ್ನುವ ನಿಟ್ಟಿನಲ್ಲಿ ಸ್ಪರ್ಧಿಗಳು ತಮ್ಮ ಆಟವನ್ನು ಆಡುತ್ತಿದ್ದಾರೆ.

ಈ ನಡುವೆ 8ನೇ ವಾರಕ್ಕೆ ಒಬ್ಬರು ಬಿಗ್‌ ಬಾಸ್‌ ಪಯಣ ಮುಗಿಸಿದ್ದಾರೆ. ಈ ವಾರ ಮನೆಯಿಂದ ಆಚೆ ಹೋಗಲು ಚೈತ್ರಾ, ಧರ್ಮ, ಹನುಮಂತು, ಗೌತಮಿ, ಮೋಕ್ಷಿತಾ, ಮಂಜು, ತ್ರಿವಿಕಮ್‌ ಅವರು ನಾಮಿನೇಟ್‌ ಆಗಿದ್ದಾರೆ.

ಈ ಪೈಕಿ ಮೋಕ್ಷಿತಾ ಅವರು ಮೊದಲ ಸ್ಪರ್ಧಿಯಾಗಿ ಎಲಿಮಿನೇಷನ್‌ನಿಂದ ಸೇಫ್‌ ಆಗಿದ್ದಾರೆ. ಆ ಬಳಿಕ ಹನುಮಂತು ಅವರು ಸೇಫ್‌ ಆಗಿದ್ದಾರೆ.

ಇವರಲ್ಲಿ ಗೌತಮಿ, ಚೈತ್ರಾ ಹಾಗೂ ಧರ್ಮ ಅವರು ಡೇಂಜರ್‌ ಝೋನ್‌ನಲ್ಲಿದ್ದಾರೆ. ಅತೀ ಕಡಿಮೆ ವೋಟ್‌ ಪಡೆದ ಕಾರಣ ಧರ್ಮ ಅವರು ಈ ವಾರ ಮನೆಯಿಂದ ಆಚೆ ಬರಲಿದ್ದಾರೆ ಎನ್ನಲಾಗಿದೆ.

ಧರ್ಮ ಅವರು ದೊಡ್ಮನೆಯಲ್ಲಿ ಅಷ್ಟು ಸದ್ದು ಮಾಡಿಲ್ಲ. ಯಾವುದೇ ವಿಚಾರದಲ್ಲೂ ಅಷ್ಟಾಗಿ ಭಾಗಿಯಾಗಿಲ್ಲ. ಅವರಿಗೆ ಕಿಚ್ಚ ಅವರೇ ಮಾತನಾಡಿ ಧರ್ಮವೆಂದು ಹಲವು ಬಾರಿ ಹೇಳಿದ್ದರು. ಆದರೂ ಅವರ ಆಟದಲ್ಲಿ ಅಷ್ಟಾಗಿ ಬದಲಾವಣೆ ಆಗಿರಲಿಲ್ಲ.

ಕಳೆದ ವಾರ ಧರ್ಮ ಅವರ ಬೆಸ್ಟ್‌ ಫ್ರೆಂಡ್‌ ಅನುಷಾ ರೈ ಅವರು ಬಿಗ್‌ ಬಾಸ್‌ ಪಯಣ ಮುಗಿಸಿದ್ದರು. ಈ ವಾರ ಧರ್ಮ ಅವರು ಆಚೆ ಬರಲಿದ್ದಾರೆ ಎನ್ನಲಾಗಿದೆ.