ಬೆಂಗಳೂರು: ಬಿಗ್‌ ಬಾಸ್ ಮನೆಗೆ ಇಬ್ಬರು ವೈಲ್ಡ್‌ ಕಾರ್ಡ್ ಸ್ಪರ್ಧಿಗಳು ಬಂದಿದ್ದಾರೆ. ದೊಡ್ಮನೆಗೆ ಎಂಟ್ರಿ ಆಗುವ ಮುನ್ನವೇ ಒಳಗಿರುವ ಸ್ಪರ್ಧಿಗಳಿಗೆ ಖಡಕ್‌ ಎಚ್ಚರಿಕೆಯನ್ನು ನೀಡಿದ್ದಾರೆ.
ಹನುಮಂತು ಬಳಿಕ ಬಿಗ್‌ ಬಾಸ್ ಮನೆಗೆ ಮತ್ತೊಬ್ಬರು ಹೊಸ ಸ್ಪರ್ಧಿಗಳು ಬಂದಿದ್ದಾರೆ. ಶೋಭಾ ಶೆಟ್ಟಿ ಹಾಗೂ ರಜತ್‌ ಕಿಶನ್‌ ಅವರನ್ನು ಸುದೀಪ್‌ ಅವರನ್ನು ವೆಲ್‌ ಕಂ ಮಾಡಿದ್ದಾರೆ. ಆದರೆ ಅವರ ಮುಖವನ್ನು ಪ್ರೋಮೊದಲ್ಲಿ ರಿವೀಲ್‌ ಮಾಡಿಲ್ಲ.
ಒಬ್ಬ ಮಹಿಳಾ ಸ್ಪರ್ಧಿ ಹಾಗೂ ಪುರುಷ ಸ್ಪರ್ಧಿ ದೊಡ್ಮನೆಯೊಳಗೆ ಎಂಟ್ರಿ ಆಗಲಿದ್ದಾರೆ. ಶೋಭಾ ಶೆಟ್ಟಿ ಅವರ ಬಳಿ ಕಿಚ್ಚ ಅವರು ಒಳಗಡೆ ಇರುವವರು ಯಾರು ನಿಮಗೆ ಟಫ್‌ ಅಂಥ ಅನ್ನಿಸುತ್ತದೆ ಎಂದು ಕೇಳಿದ್ದಾರೆ. ಇದಕ್ಕೆ ಅವರು ಯಾರೂ ಇಲ್ಲ ಎಂದು ಉತ್ತರಿಸಿರುವುದು ಪ್ರೋಮೊದಲ್ಲಿ ತೋರಿಸಲಾಗಿದೆ.
ರಜತ್‌ ಅವರ ಬಳಿ ಕಿಚ್ಚ ಹೇಗೆ ಅನ್ನಿಸುತ್ತದೆ ನಿಮಗೆ ಸ್ಪರ್ಧಿಗಳು ಎಂದು ಕೇಳಿದ್ದಾರೆ. ಇದಕ್ಕೆ ಅವರು, ಒಳಗಿರುವವರಲ್ಲಿ ಅರ್ಧ ಜನ ಪುಕ್ಕಲು, ಇನ್ನರ್ಧ ಜನ ತಿಕ್ಕಲು. ಅವನಿಗೆ ಇವನು ಅಂದ್ರೆ ಆಗಲ್ಲ, ಇವನಿಗೆ ಅವನು ಅಂದ್ರೆ ಆಗಲ್ಲ. ಇವರು ಯಾರು ಉದ್ಧಾರ ಆಗಲ್ಲ ಸಾರ್‌ ಎಂದು ಉತ್ತರಿಸಿದ್ದಾರೆ.
ಅವರ ಮಾತನ್ನು ಕೇಳಿ ಕಿಚ್ಚ ಇವರು ಪಕ್ಕಾ ಬಿಗ್‌ ಬಾಸ್ ಸ್ಪರ್ಧಿಯೆಂದು ಹೇಳಿರುವುದನ್ನು ಪ್ರೋಮೊದಲ್ಲಿ ತೋರಿಸಲಾಗಿದೆ. ಭಾನುವಾರ (ನ.17ರಂದು) ರಾತ್ರಿ ಈ ಸಂಚಿಕೆ ಪ್ರಸಾರವಾಗಲಿದೆ.
