ಈಜುವ ಮೂಲಕವೇ ಈಜುಕೊಳ ಉದ್ಘಾಟಿಸಿದ ಶಾಸಕ ಯತ್ನಾಳ್

ವಿಜಯಪುರ : ನಗರದಲ್ಲಿ ಕ್ರೀಡಾ ಇಲಾಖೆಯಿಂದ ನಿರ್ಮಿಸಿದ್ದ ಈಜುಕೊಳವನ್ನು ವಿಜಯಪುರ ಶಾಸಕ ಬಸನಗೌಡ ಪಾಟೀಲ್ ಯತ್ನಾಳ್ ಈಜುಕೊಳಕ್ಕೆ ಇಳಿಯುವ ಮೂಲಕವೇ ಉದ್ಘಾಟಿಸಿ ಗಮನ ಸೆಳೆದರು.

ನಗರದ ಕನಕದಾಸ ಬಡಾವಣೆಯಲ್ಲಿ ಯುವಜನ‌ ಸೇವಾ ಕ್ರೀಡಾ ಇಲಾಖೆಯಿಂದ ಒಳಾಂಗಣ ಕ್ರೀಡಾಂಗಣ ನಿರ್ಮಿಸಿದ್ದು, ಶುಕ್ರವಾರ ಉದ್ಘಾಟಿಸಿದರು.

ರಿಬ್ಬನ್ ಕತ್ತರಿಸಿ‌ ಈಜುಗೊಳ‌ ಉದ್ಘಾಟಿಸಿದ ಬಳಿಕ ಪಕ್ಷದ ಕಾರ್ಯಕರ್ತರು, ಬೆಂಬಲಿಗರ ಜೊತೆ ಈಜುಗೊಳಕ್ಕೆ ಇಳಿದ ಶಾಸಕ‌ ಬಸನಗೌಡ ಪಾಟೀಲ ಯತ್ನಾಳ, ಸುಮಾರು ಅರ್ಧ ಗಂಟೆಗೂ ಹೆಚ್ಚು ಕಾಲ ಈಜುವ ಮೂಲಕ ಈಜುಗೊಳ ಉದ್ಘಾಟನೆಯನ್ನು ಸ್ಮರಣೀಯವಾಗಿಸಿದರು.

ಸದಾ ತಮ್ಮ ಹೇಳಿಕೆಗಳಿಂದ ಗಮನ ಸೆಳೆಯುವ ಯತ್ನಾಳ್ ಇಲ್ಲಿಯೂ ವಿಭಿನ್ನವಾಗಿ ಗಮನ ಸೆಳೆದಿದ್ದಾರೆ.