ಹೆರಿಗೆಯ ವೇಳೆ ರಕ್ತಸ್ರಾವ; ಮಹಿಳೆ ಸಾವು

ಬಂಟ್ವಾಳ: ಹೆರಿಗೆಯ ವೇಳೆ ರಕ್ತಸ್ರಾವದಿಂದ ಬಂಟ್ವಾಳ ಕಾಲೇಜು ರಸ್ತೆ ನಿವಾಸಿ ಮಹಿಳೆಯೊಬ್ಬರು ಮಗು ಸಹಿತ ಮೃತಪಟ್ಟ ಘಟನೆ ರವಿವಾರ ಮಂಗಳೂರು ಖಾಸಗಿ ಆಸ್ಪತ್ರೆಯಲ್ಲಿ ನಡೆದಿದೆ.

ಬಂಟ್ವಾಳ ಕಾಲೇಜು ರಸ್ತೆ ನಿವಾಸಿ ಭವಾನಿಶಂಕರ್ ಅವರ ಪತ್ನಿ ಕಾಜಲ್ ಶೆಟ್ಟಿ(25) ಮೃತ ದುರ್ಧೈವಿ. ಅವರು ನ. 21ರ ತಡರಾತ್ರಿ ಹೆರಿಗೆಗಾಗಿ ಬೇರೊಂದು ಆಸ್ಪತ್ರೆಗೆ ದಾಖಲಾಗಿದ್ದು, ರವಿವಾರ ಬೆಳಗ್ಗೆ ಸಿಝೇರಿಯನ್ ನಡೆಸಿ ಮಗುವನ್ನು ತೆಗೆಯಲಾಗಿದ್ದು, ಆ ವೇಳೆಗೆ ಮಗು ಮೃತಪಟ್ಟಿತ್ತು.

ಈ ಸಂದರ್ಭದಲ್ಲಿ ರಕ್ತಸ್ರಾವ ಕಂಡು ಬಂದು, ಬಳಿಕ ಹೆಚ್ಚಿನ ಚಿಕಿತ್ಸೆಗಾಗಿ ಮಹಿಳೆಯನ್ನು ಮಂಗಳೂರು ಖಾಸಗಿ ಆಸ್ಪತ್ರೆಗೆ ದಾಖಲಾಗಿದ್ದರು. ಆದರೆ ರವಿವಾರ ರಾತ್ರಿ ವೇಳೆ ಮಹಿಳೆ ಮೃತಪಟ್ಟಿರುವುದಾಗಿ ವೈದ್ಯರು ತಿಳಿಸಿದ್ದಾರೆ.