ಜನತೆಯ ಬಳಿಗೆ ಬ್ಯಾಂಕಿಂಗ್‌: ಮಹಾಬಲೇಶ್ವರ

ಮಂಗಳೂರು: ನೋಟು ಅಪಮೌಲ್ಯಕ್ಕೆ ಬೆಂಬಲದ ಜತೆಯಲ್ಲಿ ಡಿಜಿಟಲ್‌ ಕ್ರಾಂತಿಯ ಸಹಕಾರದಿಂದ ಜನಸಾಮಾನ್ಯರ ಬೆರಳ ತುದಿಗೆ ಭಾರತೀಯ ಬ್ಯಾಂಕಿಂಗ್‌ ವ್ಯವಸ್ಥೆ ತಲುಪಿಸಲು ಸಕಾಲ ಸೃಷ್ಟಿಯಾಗಿದೆ ಎಂದು ಕರ್ಣಾಟಕ ಬ್ಯಾಂಕ್‌ನ ವ್ಯವ ಸ್ಥಾಪಕ ನಿರ್ದೇಶಕ ಮಹಾಬಲೇಶ್ವರ ಎಂ.ಎಸ್‌. ಹೇಳಿದರು.

ಸೋಮವಾರ ನಡೆದ ಬ್ಯಾಂಕ್‌ನ ಪ್ರಾದೇಶಿಕ ಮುಖ್ಯಸ್ಥರ ತ್ತೈಮಾಸಿಕ ಪರಾಮರ್ಶನ ಸಭೆಯ ಅಧ್ಯಕ್ಷತೆಯನ್ನು ಅವರು ವಹಿಸಿದ್ದರು. ಗ್ರಾಹಕಪರ ಸ್ಪಂದನೆ, ಇ-ಬ್ಯಾಂಕಿಂಗ್‌ ಉತ್ಪನ್ನಗಳ ನಿರ್ವಹಣೆ ಮೂಲಕ ಈ ಅವಕಾಶಗಳ ಸಂಪೂರ್ಣ ಸದುಪಯೋಗವನ್ನು ಕರ್ಣಾಟಕ ಬ್ಯಾಂಕ್‌ ಪಡೆಯುತ್ತಿದೆ. ಈಗಿನ 90 ಸಾವಿರ ಕೋಟಿ ರೂ. ವ್ಯವಹಾರ ಮುಂದಿನ ಮೂರು ವರ್ಷಗಳಲ್ಲಿ 1.8 ಲಕ್ಷ ಕೋಟಿ ರೂ.ಗೆ ವೃದ್ಧಿಸಲಿದೆ ಎಂದರು.

ಜನರಲ್‌ ಮ್ಯಾನೇಜರ್‌ ಚಂದ್ರಶೇಖರ ರಾವ್‌ ಬಿ. ಸ್ವಾಗತಿಸಿದರು. ಜನರಲ್‌ಮ್ಯಾನೇಜರ್‌ ವೈ. ವಿ. ಬಾಲಚಂದ್ರ ಪ್ರಸ್ತಾವನೆಗೈದರು. ಜನರಲ್‌ ಮ್ಯಾನೇಜರ್‌ಗಳಾದ ರಘುರಾಮ, ರಾಘವೇಂದ್ರ ಭಟ್‌ ಎಂ., ಸುಭಾಶ್ಚಂದ್ರ ಪುರಾಣಿಕ್‌, ಮುರಲೀಧರ ಕೃಷ್ಣ ರಾವ್‌, ನಾಗರಾಜ ರಾವ್‌ ಬಿ. ಉಪಸ್ಥಿತರಿದ್ದರು. ಡಿಜಿಎಂ ವಿಜಯಶಂಕರ್‌ ರೈ ಕೆ.ವಿ. ವಂದಿಸಿದರು.