ಗೆಳತಿಯ ಅಶ್ಲೀಲ ಫೋಟೋ ಅಪ್‌ಲೋಡ್‌: ಬಾಂಗ್ಲಾ ತಂಡದ ವೇಗಿ ಸನ್ನಿ ಬಂಧನ 

ಢಾಕಾ : ಪ್ರೇಯಸಿಯ ಅಶ್ಲೀಲ ಫೋಟೋವನ್ನು ನಕಲಿ ಫೇಸ್‌ಬುಕ್‌ ಖಾತೆ ತೆರೆದು ಅಪ್‌ಲೋಡ್‌ ಮಾಡಿದ ಆರೋಪದಲ್ಲಿ ಬಾಂಗ್ಲಾದೇಶದ ಅಂತರಾಷ್ಟ್ರೀಯ ಕ್ರಿಕೆಟಿಗ, ಎಡಗೈ ವೇಗಿ ಅರಾಫ‌ತ್‌ ಸನ್ನಿಯನ್ನು ಭಾನುವಾರ ಬಾಂಗ್ಲಾದೇಶ ಪೊಲೀಸರು ಬಂಧಿಸಿದ್ದಾರೆ. 

ಢಾಕಾದ ಅಮೀನ್‌ ಬಜಾರ್‌ನಲ್ಲಿರುವ ಮನೆಯಿಂದ 30 ರ ಹರೆಯದ ಸನ್ನಿಯನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ಸನ್ನಿ ವಿರುದ್ದ ಬಹುಕಾಲದ ಗೆಳತಿ ಮಾನನಷ್ಟ ಮಾಡಿದುದಕ್ಕಾಗಿ ದೂರು ನೀಡಿದ್ದಳು. 

ಪೊಲೀಸರು ಸನ್ನಿಯನ್ನು ನ್ಯಾಯಾಲಯದ ಎದುರು ಹಾಜರು ಪಡಿಸಿದ್ದು,  ಅಪರಾಧಿ ಎಂದು ಸಾಬೀತಾದಲ್ಲಿ 14 ವರ್ಷ ಜೈಲು ಮತ್ತು ಭಾರೀ ದಂಡ ತೇರಬೇಕಾಗಿದೆ. 

ಸನ್ನಿ 16 ಅಂತರಾಷ್ಟ್ರೀಯ ಏಕದಿನ ಪಂದ್ಯವಾಡಿದ್ದು 24 ವಿಕೆಟ್‌ ಪಡೆದಿದ್ದು, 10 ಟಿ-ಟ್ವೆಂಟಿ ಪಂದ್ಯಗಳನ್ನಾಡಿ 12 ವಿಕೆಟ್‌ ಪಡೆದಿದ್ದಾರೆ.