ಬೆಂಗಳೂರು:ಆಸ್ಪತ್ರೆ, ಫಾರ್ಮಾಗಳು ಸೇರಿ 28 ಕಡೆ ಐಟಿ ದಾಳಿ 

ಬೆಂಗಳೂರು: ಐಟಿ ಅಧಿಕಾರಿಗಳು ನಗರದಲ್ಲಿ ವೈದ್ಯಕೀಯ ಕ್ಷೇತ್ರವನ್ನು ಗುರಿಯಾಗಿರಿಸಿಕೊಂಡು ದಾಳಿ ನಡೆಸಿದ್ದು, ಬುಧವಾರ ಏಕಕಾಲದಲ್ಲಿ ಆಸ್ಪತ್ರೆ ಸೇರಿ  28 ಕಡೆಗಳಲ್ಲಿ ದಾಳಿ ಮಾಡಿ ಪರಿಶೀಲನೆ ನಡೆಸುತ್ತಿದ್ದಾರೆ. 

ನೂರಕ್ಕು ಹೆಚ್ಚು ಅಧಿಕಾರಿಗಳು ದಾಳಿ  ನಡೆಸಿದ ತಂಡದಲ್ಲಿದ್ದಾರೆ ಎಂದು ವರದಿಯಾಗಿದ್ದು, ಮುಖ್ಯವಾಗಿ   ಶಿವಾನಂದ ವೃತ್ತದಲ್ಲಿರುವ ಸ್ತ್ರೀ  ರೋಗತಜ್ಞೆ  ಕಾಮಿನಿ ರಾವ್‌  ಅವರಿಗೆ ಸೇರಿರುವ ಮಿಲನ್‌ ಆಸ್ಪತ್ರೆ , ಮತ್ತು ಚಿಕ್ಕಪೇಟೆ, ಕಾಟನ್‌ ಪೇಟೆಗಳಲ್ಲಿರುವ ಮೆಡಿಸಿನ್‌ ಡಿಸ್ಟ್ರಿಬ್ಯೂಟರ್ಸ್‌ ಕಂಪೆನಿಗಳ ಮೇಲೆ ಅಧಿಕಾರಿಗಳು ತಂಡೋಪತಂಡವಾಗಿ ದಾಳಿ ನಡೆಸಿರುವ ಬಗ್ಗೆ ವರದಿಯಾಗಿದೆ.

ದಾಖಲೆಗಳ ಪರಿಶೀಲನೆ ಮುಂದುವರಿದಿದ್ದು ಹೆಚ್ಚಿನ ವಿವರ ನಿರೀಕ್ಷಿಸಲಾಗುತ್ತಿದೆ.