Ban; ಎಂಡಿಎಚ್‌, ಎವರೆಸ್ಟ್‌ ಮಸಾಲೆಗಳ ಮೇಲೆ ಅಮೆರಿಕ ಕೂಡ ನಿಷೇಧ?

ಹೈದರಾಬಾದ್‌: ದೇಶದ ಎಂಡಿಎಚ್‌, ಎವರೆಸ್ಟ್‌ಗಳ ಒಟ್ಟು 4 ಉತ್ಪನ್ನಗಳ ಮೇಲೆ ಹಾಂಕಾಂಗ್‌, ಸಿಂಗಾಪುರ ನಿಷೇಧ ಹೇರಿದ ಬೆನ್ನಲ್ಲೇ ಈಗ ಅಮೆರಿಕ ಸರಕಾರ ಕೂಡ ಅದರ ಬಗ್ಗೆ ಮಾಹಿತಿ ಸಂಗ್ರಹಿಸುತ್ತಿದೆ. ಎಂಡಿಎಚ್‌ನ 3 ಮಸಾಲೆ ವಿಧಗಳು, ಎವರೆಸ್ಟ್‌ನ ಫಿಶ್‌ಕರಿ ಮಸಾಲೆಯಲ್ಲಿ ಕ್ಯಾನ್ಸರ್‌ಗೆ ಕಾರಣವಾಗುವ ಅಂಶಗಳು ಹೆಚ್ಚಿನ ಪ್ರಮಾಣದಲ್ಲಿವೆ ಎಂಬ ಅಂಶ ಗಮನಕ್ಕೆ ಬಂದಿದೆ.

ಆ ಬಗ್ಗೆ ಮಾಹಿತಿ ಸಂಗ್ರಹಿಸುತ್ತಿದ್ದೇವೆ ಎಂದು ಅಮೆರಿಕದ ಆಹಾರ ಮತ್ತು ಔಷಧ ನಿಯಂತ್ರಣ ವಿಭಾಗ(ಎಫ್ಡಿಎ)ದ ಅಧಿಕಾರಿ ಹೇಳಿದ್ದಾರೆ. ಆದರೆ ಅಮೆರಿಕ ಸರಕಾರ ಮಾಹಿತಿ ಕೇಳಿರುವ ಕುರಿತು ಎರಡೂ ಕಂಪೆನಿಗಳು ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ. ಕೆಲವು ದಿನಗಳ ಹಿಂದಷ್ಟೇ ಸಿಂಗಾಪುರ, ಹಾಂಕಾಂಗ್‌ನಿಂದ ಕೇಂದ್ರ ಸರಕಾರ ನಿಷೇಧದ ಬಗ್ಗೆ ಮಾಹಿತಿ ಕೋರಿತ್ತು.