ಬ್ಯಾಲನ್‌ ಡಿ ಪ್ರಶಸ್ತಿ: ನೇಯ್ಮರ್‌ ಸೇರಿ 15 ಫ‌ುಟ್ಬಾಲಿಗರು ನಾಮಾಂಕಿತ

ನವದೆಹಲಿ: ಫ‌ುಟ್ಬಾಲ್‌ನ ಪ್ರತಿಷ್ಠಿತ ಪ್ರಶಸ್ತಿಯಲ್ಲಿ ಒಂದಾದ ಬ್ಯಾಲನ್‌ ಡಿ ಪ್ರಶಸ್ತಿಗೆ ಈ ಬಾರಿ ಸ್ಟಾರ್‌ ಫ‌ುಟ್‌ಬಾಲ್‌ ಆಟಗಾರ ನೇಯ್ಮರ್‌ ಸೇರಿದಂತೆ 15 ಆಟಗಾರರ ಹೆಸರು ನಾಮಾಂಕಿತವಾಗಿದೆ.

ಅ.9ಕ್ಕೆ 30 ನಾಮಾಂಕಿತ ಆಟಗಾರರ ಹೆಸರು ಪೂರ್ಣವಾಗಲಿದೆ. ಈಗ ನಾಮಾಂಕಿತರಾದವರಲ್ಲಿ ಬ್ರೆಜಿಲ್‌ನ ತಾರಾ ಆಟಗಾರ ನೇಯ್ಮರ್‌, ಅರ್ಜೆಂಟೀನಾದ ಪೌಲೋ ಡೈಬಾಲಾ, ಕ್ರೊವೇಷ್ಯಾದ ಲುಕಾ ಮ್ಯಾಡ್ರಿಕ್‌ ಪ್ರಮುಖರಾಗಿದ್ದಾರೆ. ಬ್ಯಾಲನ್‌ ಡಿ ಪ್ರಶಸ್ತಿ 1956 ರಿಂದ ನೀಡಲಾಗುತ್ತಿದೆ. ಪ್ರತಿ ವರ್ಷ ಶ್ರೇಷ್ಠ ಪ್ರದರ್ಶನ ನೀಡಿದ ಒಬ್ಬ ಆಟಗಾರನಿಗೆ ಪ್ರಶಸ್ತಿ ವಿತರಿಸಲಾಗುತ್ತದೆ. ಕಳೆದ ವರ್ಷ ಪೊರ್ಚುಗಲ್‌ನ ಕ್ರಿಸ್ಟಿಯಾನೊ ರೋನಾಲ್ಡೊ ಪ್ರಶಸ್ತಿ ಪಡೆದಿದ್ದರು.