Manipal: ಡಾ| ಸಬೀಹ ಭೂಮಿಗೌಡ ಸಹಿತ ನಾಲ್ವರಿಗೆ ದತ್ತಿ ಪ್ರಶಸ್ತಿ

ಮಣಿಪಾಲ: ಕರ್ನಾಟಕ ಲೇಖಕಿಯರ ಸಂಘವು ಡಾ| ಅನುಪಮಾ ನಿರಂಜನ ಅವರ ಹೆಸರಿನಲ್ಲಿ ನೀಡುವ ಅನುಪಮಾ ದತ್ತಿ ಪ್ರಶಸ್ತಿ ಪುರಸ್ಕೃತ ಲೇಖಕಿಯರ ಹೆಸರನ್ನು ಪ್ರಕಟಿಸಿದೆ.

2020ನೇ ಸಾಲಿನ ಪ್ರಶಸ್ತಿಜಿs ಡಾ| ವಿಜಯಾ ಸುಬ್ಬರಾಜ್‌, 2021ನೇ ಸಾಲಿಗೆ ಡಾ| ವಸುಂಧರಾ ಭೂಪತಿ, 2022ನೇ ಸಾಲಿಗೆ ಡಾ| ಸಬೀಹಾ ಭೂಮಿಗೌಡ, 2023ನೇ ಸಾಲಿಗೆ ಡಾ| ಕೆ.ಆರ್‌. ಸಂಧ್ಯಾ ರೆಡ್ಡಿ ಹಾಗೂ 2024ನೇ ಸಾಲಿನ ಅನುಪಮಾ ಪ್ರಶಸ್ತಿಗೆ ಡಾ| ಲತಾಗುತ್ತಿ ಅವರನ್ನು ಆಯ್ಕೆ ಮಾಡಲಾಗಿದೆ ಎಂದು ಸಂಘದ ಅಧ್ಯಕ್ಷೆ ತಿಳಿಸಿದ್ದಾರೆ.

ಬಸವರಾಜ್‌ ಮಾಯಾಚಾರಿ
ಸಹಿತ 10 ಮಂದಿಗೆ ಶಿಲ್ಪಶ್ರೀ ಪ್ರಶಸ್ತಿ
ಮಣಿಪಾಲ: ಕರ್ನಾಟಕ ಶಿಲ್ಪಕಲಾ ಅಕಾಡೆಮಿಯು 2022 – 23ನೇ ಸಾಲಿನ ಗೌರವ ಪ್ರಶಸ್ತಿ ಮತ್ತು 2023ನೇ ಸಾಲಿನ ಶಿಲ್ಪಶ್ರೀ ಪ್ರಶಸ್ತಿಯನ್ನು ಗುರುವಾರ ಪ್ರಕಟಿಸಿದೆ.

ಜತೆಗೆ 18ನೇ ವಾರ್ಷಿಕ ಶಿಲ್ಪಕಲಾ ಪ್ರದರ್ಶನ ಬಹುಮಾನಕ್ಕೆ ನಾಡಿನ ವಿವಿಧ ಶಿಲ್ಪಿಗಳ 6 ಕೃತಿಗಳನ್ನು ಆಯ್ಕೆ ಮಾಡಿದೆ. ಗೌರವ ಪ್ರಶಸ್ತಿಗೆ ಬಸವರಾಜ್‌ ಮಾಯಾಚಾರಿ ಸಹಿತ ನಾಡಿನ ವಿವಿಧ ಜಿಲ್ಲೆಗಳ 10 ಮಂದಿ ಶಿಲ್ಪ ಕಲಾವಿದರಿಗೆ ಶಿಲ್ಪಶ್ರೀ ಪ್ರಶಸ್ತಿ ಘೋಷಿಸಲಾಗಿದೆ ಎಂದು ಅಕಾಡೆಮಿ ಅಧ್ಯಕ್ಷ ಎಂ.ಸಿ.ರಮೇಶ್‌ ಹೇಳಿದ್ದಾರೆ.

18ನೇ ವಾರ್ಷಿಕ ಶಿಲ್ಪಕಲಾ ಬಹುಮಾನ ವಿಜೇತರಲ್ಲಿ ಶಶಿಧರ್‌ ಆಚಾರ್ಯ (ದಕ್ಷಿಣ ಕನ್ನಡ ಜಿಲ್ಲೆ), ಚೇತನ್‌ಕುಮಾರ್‌ ಹಳ್ಳಿಹೊಳೆ (ಉಡುಪಿ ಜಿಲ್ಲೆ) ಹಾಗೂ ಮನೋಹರ ಕಾಳಪ್ಪ ವಿಜಯಪುರ ಬಹುಮಾನಕ್ಕೆ ಉಡುಪಿ ಜಿಲ್ಲೆಯ ಪ್ರಕಾಶ ಆಚಾರ್ಯ ಆಯ್ಕೆಯಾಗಿದ್ದಾರೆ.