ನೀರಿನ ಮಟ್ಟ ವೀಕ್ಷಿಸಿದ ಶಾಸಕ ಕೆ. ರಘುಪತಿ ಭಟ್‌

ಉಡುಪಿ: ನಗರ ಸಭೆ ಹಾಗೂ ಅದಕ್ಕೆ ಹೊಂದಿಕೊಂಡ ಗ್ರಾ.ಪಂ. ವ್ಯಾಪ್ತಿಗಳ ಪ್ರದೇಶಗಳಿಗೆ ಬೇಸಗೆಯಲ್ಲಿ ಕುಡಿಯುವ ನೀರು ಒದಗಿಸುತ್ತಿರುವ ನೀರು ಸಂಗ್ರಹ ಡ್ಯಾಮ್‌ಗಳಿರುವ ಬೊಮ್ಮರಬೆಟ್ಟು ಪ್ರದೇಶಕ್ಕೆ ಶಾಸಕ ರಘುಪತಿ ಭಟ್‌ ಮಂಗಳವಾರ ತೆರಳಿ ನೀರಿನ ಮಟ್ಟ ಪರಿಶೀಲಿಸಿದರು.

ಹಿರಿಯಡ್ಕದ ಪಂಚಾಯತ್‌ ವ್ಯಾಪ್ತಿಯ ಬೊಮ್ಮರಬೆಟ್ಟು ಗ್ರಾಮದ ಸಾಣೆಕಲ್ಲು ವಿನಿಂದ 12 ದಿನಗಳವರೆಗೆ ನಿರಂತರ ಮೂರು ಪಂಪುಗಳ ಮೂಲಕ ಕುಯಾÉಡಿ ಗುಂಡಿಗೆ ನೀರನ್ನು ಹಾಯಿಸಲಾಗುತ್ತಿದೆ. ಅಲ್ಲಿಂದ ಸಂಗ್ರಹವಾದ ನೀರನ್ನು ಶಿರೂರು ಡ್ಯಾಮಿಗೆ ಹರಿಸಿ ನೀರು ಶೇಖರಣೆಗೊಳಿಸಲಾಗುತ್ತಿದೆ. ಇದನ್ನು ಶಾಸಕರು ವೀಕ್ಷಿಸಿದರು.

ಡ್ಯಾಮ್‌ಗಳಲ್ಲಿ ನೀರಿನ ಲಭ್ಯತೆ ಹಾಗೂ ಮುಂದಿನ ದಿನಗಳಲ್ಲಿ ನೀರಿನ ಕೊರತೆಯಾಗದಂತೆ ವಹಿಸಬೇಕಾದ ಮುಂಜಾಗ್ರತೆ ಕುರಿತು ಅವರು ನಗರಸಭೆ ಅಧಿಕಾರಿಗಳ ಜತೆ ಅವಲೋಕಿಸಿದರು. ನದಿಯಲ್ಲಿ ನೀರಿನ ಮೂಲಗಳಿರುವ ಕಡೆಗಳಲ್ಲಿ ನೀರು ಸಂಗ್ರಹಿಸುವ ಬಗ್ಗೆ ಅಧಿಕಾರಿಗಳ ಜತೆ ಚರ್ಚೆ ನಡೆಸಿದರು. ನಗರಸಭೆ ಕಾರ್ಯಪಾಲ ಅಭಿಯಂತರ ಹಾಗೂ ನಗರಸಭೆಯ ಸಿಬಂದಿಗಳು ಉಪಸ್ಥಿತರಿದ್ದರು.