Ayodhya: 2025ರ ಜೂನ್‌ಗೆ ರಾಮ ಮಂದಿರ ನಿರ್ಮಾಣ ಪೂರ್ಣ: ನೃಪೇಂದ್ರ ಮಿಶ್ರಾ

ಲಕ್ನೋ: 2025ರ ಜೂನ್‌ ವೇಳೆ ರಾಮ ಮಂದಿರ ನಿರ್ಮಾಣ ಪೂರ್ಣಗೊಳ್ಳಲಿದೆ. ಆದರೆ ಮಂದಿರ ಆವರಣದ ಸುತ್ತಲಿನ ಗೋಡೆ ಮತ್ತು ಶೂ ರ್ಯಾಕ್‌ಗಳ ನಿರ್ಮಾಣವು ಸೆಪ್ಟಂಬರ್‌ನಲ್ಲಿ ಪೂರ್ಣಗೊಳ್ಳಲಿದೆ.

ಹೀಗೆಂದು ಮಂದಿರ ನಿರ್ಮಾಣ ಸಮಿತಿ ಅಧ್ಯಕ್ಷ ನೃಪೇಂದ್ರ ಮಿಶ್ರಾ ಹೇಳಿದ್ದಾರೆ. ದೇಗು­ಲದ ವಸ್ತು ಸಂಗ್ರಹಾಲಯ­ದಲ್ಲಿ ಇರಿಸುವ 85 ಭಿತ್ತಿ ಚಿತ್ರಗಳ ಪೈಕಿ 60ರ ರಚನೆ ಶುರುವಾಗಿದೆ.

ರಾಮನ 6 ಭಿತ್ತಿಚಿತ್ರ ಸೇರಿ 21 ಭಿತ್ತಿ ಚಿತ್ರಗಳನ್ನು ಈಗಾಗಲೇ ರಚಿಸಲಾಗಿದೆ. ಸವಾಲಾ­ಗಿರುವುದು ಗೋಪುರದ ನಿರ್ಮಾಣ ಮಾತ್ರ. ವಿಮಾನಗಳ ಹಾರಾಟ ಸುರಕ್ಷೆ ಗಮನದಲ್ಲಿಟ್ಟುಕೊಂಡು ಅದನ್ನು ನಿರ್ಮಿಸಬೇಕಿದೆ ಎಂದು ಹೇಳಿದರು.