ಪ್ರಶಸ್ತಿ ಪುರಸ್ಕೃತ ಬಾಲಿವುಡ್‌ ಫೋಟೋಗ್ರಾಫ‌ರ್‌ ಅಪಘಾತದಲ್ಲಿ ಸಾವು

ಭಡೋಹಿ, ಉತ್ತರ ಪ್ರದೇಶ : ಪ್ರಶಸ್ತಿ ಪುರಸ್ಕೃತ ಬಾಲಿವುಡ್‌ ಫೋಟೋಗ್ರಾಫ‌ರ್‌ ರಾಜು ಉಪಾಧ್ಯಾಯ ಇಂದು ಗೋಪೀಗಂಜ್‌ ಪ್ರದೇಶದಲ್ಲಿ ನಡೆದಿದ್ದ ರಸ್ತೆ ಅಪಘಾತದಲ್ಲಿ ಮೃತಪಟ್ಟಿರುವುದಾಗಿ ವರದಿಯಾಗಿದೆ. 

55ರ ಹರೆಯದ ಉಪಾಧ್ಯಾಯ ಅವರ ವಾಹನಕ್ಕೆ ಛತ್ಮೀ ಗ್ರಾಮಕ್ಕೆ ಸಮೀಪದಲ್ಲಿ ಟ್ರಕ್‌ ಢಿಕ್ಕಿ ಹೊಡೆಯಿತು. ಉಪಾಧ್ಯಾಯ ಅವರು ಪತ್ನಿ ಆಶಾ ಉಪಾಧ್ಯಾಯ ಅವರನ್ನು ಭೇಟಿಯಾಗಿ ಮರಳುತ್ತಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ. 

ಪೊಲೀಸರು ಟ್ರಕ್‌ ಚಾಲಕನನ್ನು ಬಂಧಿಸಿ ಟ್ರಕ್ಕನ್ನು ವಶಕ್ಕೆ ತೆಗೆದುಕೊಂಡಿದ್ದಾರೆ.