ನವೆಂಬರ್ ನಲ್ಲಿ ಅವನೇ ಆಪ್ತಮಿತ್ರ

“ಅವನೇ ಆಪ್ತಮಿತ್ರ’ ಚಿತ್ರಕ್ಕೆ ಸೆನ್ಸಾರ್‌ ಮಂಡಳಿ “ಯು/ಎ’ ಪ್ರಮಾಣ ಪತ್ರ ನೀಡಿದೆ. ಒಂದು ಹೆಣ್ಣಿನ ಸುತ್ತ ನಡೆಯುವ ಈ ಕಥೆಯಲ್ಲಿ ಮರ್ಡರ್‌ ಮಿಸ್ಟರಿ, ಸಸ್ಪೆನ್ಸ್‌, ಥ್ರಿಲ್ಲರ್‌ ಹಾಗೂ ಹಾರರ್‌ ಎಳೆಯನ್ನು ಹೊಂದಿದೆ.  ಕಾದಂಬರಿ ಆಧಾರಿತ ಈ ಸಿನಿಮಾ ಮೈಸೂರಿನ ಹನುಮಾ ಕ್ರಿಯೇಷನ್ಸ್‌ ನಿರ್ಮಿಸಿದೆ. ಚಿತ್ರದಲ್ಲಿ ಎರಡು ಹಾಡುಗಳಿವೆ.

ಪ್ರಥಮ್‌ ನಾಯಕನಟನಾಗಿ ಅಭಿನಯಿಸಿದ್ದು, ಪ್ರಸನ್ನಗೌಡ ಸಹ ನಾಯಕ. ಸಾನ್ವಿಯಾ ಹಾಗೂ  ಲಾವಣ್ಯ ಯಾದವ್‌ ನಾಯಕಿಯರು. “ಮಜಾ ಟಾಕೀಸ್‌’ನ ಮುದ್ದೇಶ ಖ್ಯಾತಿಯ ಮಂಡ್ಯ ರಮೇಶ್‌ ಈ ಚಿತ್ರದಲ್ಲೂ ಮುದ್ದೇಶನ ಪಾತ್ರದಲ್ಲಿ ಮಿಂಚಿದ್ದಾರೆ. ಚಿತ್ರದಲ್ಲಿ ಮಹೇಂದ್ರ ಪ್ರಸಾದ್‌, ಮೈಸೂರು ರಮಾನಂದ್‌, ಉರಗತಜ್ಞ ಸ್ನೇಕ್‌ ಶ್ಯಾಮ್‌ ಸೇರಿದಂತೆ ಅನೇಕರು ಅಭಿನಯಿಸಿದ್ದಾರೆ.

ಮೈಸೂರು ವೆಂಕಟೇಶ್‌ ಚಿತ್ರಕಥೆ, ಸಂಭಾಷಣೆ ಬರೆದು ನಿರ್ದೇಶಿಸಿರುವ ಈ ಚಿತ್ರದ ನಿರ್ಮಾಪಕರು ಶಿವಮ್ಮ ವೆಂಕಟೇಶ್‌. ಚಿತ್ರಕ್ಕೆ ಮಂಡ್ಯ ಬಿ.ರಾಮು ಛಾಯಾಗ್ರಹಣ, ರವಿ ಶಂಕರ್‌ ಸಂಗೀತ, ಶಶಿಭೂಷಣ್‌ ಸಂಕಲನವಿದೆ. ಚಿತ್ರ ನವೆಂಬರ್‌ ವೇಳೆಗೆ ತೆರೆಗೆ ಬರಲಿದೆ.