ಪಿಎಲ್‌ಐ ಯೋಜನೆಗೆ 20 ವಾಹನ ತಯಾರಿಕಾ ಕಂಪನಿಗಳು ಆಯ್ಕೆ

ನವದೆಹಲಿ: ಕೇಂದ್ರ ಸರ್ಕಾರದ ಉತ್ಪಾದನಾ ಆಧಾರಿತ ಪ್ರೋತ್ಸಾಹ ಧನ (ಪಿಎಲ್‌ಐ) ಯೋಜನೆಗೆ ದೇಶದ ಇಪ್ಪತ್ತು ವಾಹನ ತಯಾರಿಕಾ ಕಂಪನಿಗಳು ಆಯ್ಕೆಯಾಗಿವೆ.

ಈ ಪಟ್ಟಿಯಲ್ಲಿ ಹುಂಡೈ, ಸುಜುಕಿ, ಕಿಯಾ, ಬಜಾಜ್‌, ಹೀಓ, ಟಿವಿಎಸ್‌, ಟಾಟಾ ಮೋಟರ್ಸ್‌, ಮಹೀಂದ್ರಾ ಕಂಪನಿಗಳು ಸೇರಿವೆ.

ವಾಹನೋದ್ಯಮ ಮತ್ತು ವಾಹನಗಳಿಗೆ ಬೇಕಾಗುವ ಬಿಡಿಭಾಗಗಳ ಉತ್ಪಾದನೆಯ ಕಂಪನಿಗಳಿಗೂ ಈ ಸೌಲಭ್ಯ ನೀಡಲಾಗಿದೆ.

ಅನುಮತಿ ಪಡೆದ ಕಂಪನಿಗಳಿಂದ 45,016 ಕೋಟಿ ರೂ. ಮೊತ್ತದ ಹೂಡಿಕೆ ಮಾಡುವ ಪ್ರಸ್ತಾವನೆ ಬಂದಿದೆ ಎಂದು ಕೇಂದ್ರ ಭಾರಿ ಕೈಗಾರಿಕೆ ಸಚಿವಾಲಯ ತಿಳಿಸಿದೆ.

ಇದನ್ನೂ ಓದಿ:ಜಿನ್ನಾ ಆತ್ಮ ಕಾಂಗ್ರೆಸ್‌ಗೆ ಪ್ರವೇಶಿಸಿದೆ: ಹಿಜಾಬ್ ವಿವಾದ ಕುರಿತು ಅಸ್ಸಾಂ ಸಿಎಂ

ಪ್ರಯಾಣಿಕ ವಾಹನ, ದ್ವಿಚಕ್ರ ವಾಹನ, ವಾಹನೋದ್ಯಮ ಕ್ಷೇತ್ರದಿಂದ ಹೊರತಾಗಿರುವ ಕಂಪನಿಗಳೂ ಸರ್ಕಾರದ ಆಯ್ಕೆ ಪಟ್ಟಿಯಲ್ಲಿ ಇವೆ.

ಹೊಸ ವಿತ್ತೀಯ ವರ್ಷ ಶುರುವಾಗುವ ಏ.1ರಿಂದ ಪಿಎಲ್‌ಐ ವ್ಯವಸ್ಥೆ ಜಾರಿಯಾಗಲಿದೆ. ಆ ದಿನ 25,938 ಕೋಟಿ ರೂ. ಮೊತ್ತಕಂಪನಿಗಳಿಗೆ ಮುಂದಿನ ಐದು ವರ್ಷಗಳಿಗೆ ಅನ್ವಯವಾಗುವಂತೆ ಬಿಡುಗಡೆಯಾಗಲಿದೆ.

ಪಿಎಲ್‌ಐಗೆ ಆಯ್ಕೆಯಾಗಿರುವ ಕಂಪನಿಗಳಲ್ಲಿ ದ್ವಿಚಕ್ರ ವಾಹನಗಳು, ವಿದ್ಯುತ್‌ಚಾಲಿ ತ ವಾಹನಗಳನ್ನು ಉತ್ಪಾದನೆ ಮಾಡುವ ಕಂಪನಿಗಳೂ ಆಯ್ಕೆಯಾಗಿವೆ. ಅಡ್ವಾನ್ಸ್‌$x ಕೆಮೆಸ್ಟ್ರಿ ಸೆಲ್‌ (ಎಸಿಸಿ) ವ್ಯಾಪ್ತಿಯಲ್ಲಿ 18,100 ಕೋಟಿ ರೂ., ಫೇಮ್‌ ಯೋಜನೆಯಡಿ 10 ಸಾವಿರ ಕೋಟಿ ರೂ. ಮಂಜೂರಾಗಲಿದೆ.