ಫ್ರಾನ್ಸ್‌ ನಡೆಗೆ ವಿಷಾದವಿಲ್ಲ: ಆಸ್ಟ್ರೇಲಿಯಾ

ಸಿಡ್ನಿ: 2016ರ ಸಬ್‌ಮರೀನ್‌ ಒಪ್ಪಂದ ಮುರಿದು, ಆಸ್ಟ್ರೇಲಿಯಾ ಜತೆ ಮುನಿಸಿಕೊಂಡಿರುವ ಫ್ರಾನ್ಸ್‌ಗೆ ಆಸೀಸ್‌ ಪ್ರಧಾನಿ ತಿರುಗೇಟು ನೀಡಿದ್ದಾರೆ.

“ಫ್ರೆಂಚ್‌ ಒಪ್ಪಂದದ ಬಗ್ಗೆ ನಮಗೆ ಆಸಕ್ತಿಯೇ ಇರಲಿಲ್ಲ. ಹೊಸ ಬೆಳವಣಿಗೆ ಬಗ್ಗೆ ನಮಗೆ ಯಾವುದೇ ವಿಷಾದವೂ ಇಲ್ಲ. ಆಸ್ಟ್ರೇಲಿಯನ್ನರ ರಾಷ್ಟ್ರೀಯ ಹಿತಾಸಕ್ತಿ ನಮ್ಮ ಮೊದಲ ಆದ್ಯತೆ. ಮುಂದಿನ ದಿನಗಳಲ್ಲಿ ನಾವೂ ತಿರುಗೇಟು ನೀಡುತ್ತೇವೆ’ ಎಂದು ಆಸ್ಟ್ರೇಲಿಯಾ ಪ್ರಧಾನಿ ಸ್ಕಾಟ್‌ ಮಾರಿಸನ್‌ ಎಚ್ಚರಿಸಿದ್ದಾರೆ.

“ಅಮೆರಿಕ ಜತೆಗಿನ ಪರಮಾಣು ಚಾಲಿತ ಸಬ್‌ಮರಿನ್‌ ಒಪ್ಪಂದದ ಬಗ್ಗೆ ರಕ್ಷಣ ಸಚಿವರೊಂದಿಗೆ ಹಲವು ತಿಂಗಳುಗಳಿಂದ ಚರ್ಚಿಸಿದ್ದೇನೆ. ಫ್ರಾನ್ಸ್‌ನ ನಡೆ ಬಗ್ಗೆ ಕಾಳಜಿ ತೋರುವುದನ್ನು ಬಿಟ್ಟು ಬೇರೇನೂ ಹೇಳಲು ಉಳಿದಿಲ್ಲ’ ಎಂದು ಪ್ರತಿಕ್ರಿಯಿಸಿದ್ದಾರೆ.