ಆಸೀಸ್‌ ಕ್ರಿಕೆಟಿಗರ ಅಭ್ಯಾಸ ಆರಂಭ

ಸಿಡ್ನಿ: ಎರಡು ತಿಂಗಳ ಸುದೀರ್ಘ‌ ಲಾಕ್‌ಡೌನ್‌ ವಿರಾಮದ ಬಳಿಕ ಆಸ್ಟ್ರೇಲಿಯದ ಅಗ್ರ ಸರದಿಯ ಕ್ರಿಕೆಟಿಗರು ಸೋಮವಾರ ಹೊರಾಂಗಣ ಅಭ್ಯಾಸ ಆರಂಭಿಸಿದರು.

ಇಲ್ಲಿನ “ಸಿಡ್ನಿ ಒಲಿಂಪಿಕ್‌ ಪಾರ್ಕ್‌’ನಲ್ಲಿ ಕಾಂಗರೂ ಕ್ರಿಕೆಟಿಗರ ಅಭ್ಯಾಸ ಸಾಗಿತು. ಸ್ಟೀವನ್‌ ಸ್ಮಿತ್‌, ಡೇವಿಡ್‌ ವಾರ್ನರ್‌, ಮಿಚೆಲ್‌ ಸ್ಟಾರ್ಕ್‌ ಮೊದಲಾದ ಸ್ಟಾರ್‌ ಆಟಗಾರರು ಸೋಮವಾರ ಅಂತರ ಕಾಯ್ದುಕೊಂಡು ಮೆಂಟಲ್‌ ಫಿಟ್‌ನೆಸ್‌ ಹಾಗೂ ಇತರ ಸರಳ ಅಭ್ಯಾಸದಲ್ಲಿ ತೊಡಗಿದರು.