ಔರಾದನಲ್ಲಿ ಕೋವಿಡ್ ಜಾಗೃತಿ ರ‍್ಯಾಲಿ-ಪಥ ಸಂಚಲನ

ಔರಾದ: ಪಟ್ಟಣದ ಪ್ರಮುಖ ಬೀದಿಗಳಲ್ಲಿ  ಕೋವಿಡ್ ಜನ ಜಾಗೃತಿ ರ‍್ಯಾಲಿ ಹಾಗೂ ಪೊಲೀಸರಿಂದ ಪಥ ಸಂಚಲನ ನಡೆಯಿತು. ಭಾಲ್ಕಿ ಡಿವೈಎಸ್‌ಪಿ ಡಾ| ದೇವರಾಜ, ಸಿಪಿಐ ಟಿ. ರಾಘವೇಂದ್ರ, ಪಿಎಸ್‌ಐ ಜಗದೀಶ ನಾಯ್ಕ ಸೇರಿದಂತೆ ಆರೋಗ್ಯ ಇಲಾಖೆ ಅಧಿಕಾರಿಗಳು ಮತ್ತು ಪಪಂ ಸಿಬ್ಬಂದಿಗಳು ಪಥ ಸಂಚಲನದಲ್ಲಿ ಭಾಗವಹಿಸಿದ್ದರು.

ಪಥ ಸಂಚಲನದಲ್ಲಿ ಕರ್ನಾಟಕ ರಕ್ಷಣಾ ವೇದಿಕೆ ಕಾರ್ಯಕರ್ತರು ಹಾಗೂ ಸಂಘ ಸಂಸ್ಥೆಯ ಮುಖಂಡರು ಪುಷ್ಪ ವೃಷ್ಠಿ ಸಲ್ಲಿಸಿದರೆ, ಸುಮಂಗಲಿಯರು ಮಂಗಳಾರತಿ ಮಾಡಿ ಕೋವಿಡ್ ವಿರುದ್ಧ ಜಯ ಸಾಧಿಸಲೆಂದು ಸಿಂಧೂರವಿಟ್ಟರು. ಸಂಘ ಸಂಸ್ಥೆಯ ಮುಖಂಡರು ರಸ್ತೆ ಪಕ್ಕದಲ್ಲಿ ನಿಂತುಕೊಂಡು ಪುಷ್ಪಾರ್ಚನೆ ಮಾಡಿದರು. ಬಡಾವಣೆಗೆ ಬಂದ ಕೊರೊನಾ ಯೋಧರಿಗೆ ಗೃಹಿಣಿಯರು ಆರತಿ ಮಾಡಿ ಶುಭ ಕೋರಿದರು.

ರಸ್ತೆಯುದ್ದಕ್ಕೂ ಸಾರ್ವಜನಿಕರು ಸಾಮಾಜಿಕ ಅಂತರ ಕಾಯ್ದುಕೊಳ್ಳುವ ಜೊತೆಗೆ ಮನೆಯಲ್ಲಿಯೇ ಇದ್ದು ಮಹಾಮಾರಿ ವಿರುದ್ಧ
ಹೋರಾಡಬೇಕು. ರಸ್ತೆ ಸೇರಿದಂತೆ ಸಾರ್ವಜನಿಕ ಸ್ಥಳದಲ್ಲಿ ಉಗುಳಬಾರದು. ಪ್ರತಿಯೊಬ್ಬರೂ ಕಡ್ಡಾಯವಾಗಿ ಮಾಸ್ಕ್ಧ ರಿಸಿಕೊಳ್ಳಬೇಕೆಂದು ಮನವಿ ಮಾಡಿದರು. ತಾಲೂಕು ಆರೋಗ್ಯಾಧಿಕಾರಿ ಡಾ| ಶರಣಯ್ನಾ ಸ್ವಾಮಿ, ಡಾ| ಮಹೇಶ ಬಿರಾದರ,ಪಪಂ ಮುಖ್ಯಾ ಧಿಕಾರಿ ಚಾಂದಪಟೇಲ್‌ ಇತರ ಅಧಿಕಾರಿಗಳು ಇದ್ದರು.