Pakistan ಸೇನಾನೆಲೆಗೆ ದಾಳಿ: 8 ಸೈನಿಕರು, 10 ಉಗ್ರರ ಸಾವು

ಪೇಶಾವರ: ಪಾಕಿಸ್ತಾನದ ಖೈಬರ್‌-ಪಖ್ತುಂಖ್ವಾ ಪ್ರಾಂತ್ಯದಲ್ಲಿ ಸೇನಾ ನೆಲೆಯ ಮೇಲೆ 10  ಉಗ್ರರು ದಾಳಿ ನಡೆಸಿದ್ದಾರೆ. ಈ ಘಟನೆಯಲ್ಲಿ 8 ಮಂದಿ ಸೈನಿಕರು ಅಸುನೀಗಿದ್ದಾರೆ. ಸೋಮವಾರ ಈ ಘಟನೆ ನಡೆದಿದೆ.

ಬನ್ನು ಕಂಟೋನ್ಮೆಂಟ್‌ ಎಂಬ ಪ್ರದೇಶದಲ್ಲಿರುವ ಸೇನಾ ನೆಲೆಗೆ 10 ಮಂದಿ ಉಗ್ರು ನುಗ್ಗಿ ಮನಬಂದಂತೆ ಗುಂಡು ಹಾರಿಸಿದರು. ಈ ಸಂದರ್ಭದಲ್ಲಿ 8 ಸೈನಿಕರು ಸಾವನ್ನಪ್ಪಿದ್ದಾರೆ. ಕೂಡಲೇ ಪ್ರತಿ ದಾಳಿ ಆರಂಭಿಸಿದ ಪಾಕಿಸ್ತಾನದ ಸೈನಿಕರು 10 ಮಂದಿ ಉಗ್ರರು ನಡೆಸಿದ ದಾಳಿಯನ್ನು ವಿಫ‌ಲಗೊಳಿಸಿ, ಅವರನ್ನು ಕೊಂದಿದ್ದಾರೆ.