ಅಟಲ್‌ ಹೆಸರಲ್ಲಿ ರಸ್ತೆ

ಲಕ್ನೋ: ಉತ್ತರ ಪ್ರದೇಶದ ಪ್ರತಿ ನಗರ ಸ್ಥಳೀಯ ಸಂಸ್ಥೆಗಳಲ್ಲಿ ಒಂದು ರಸ್ತೆಗೆ ಮಾಜಿ ಪ್ರಧಾನಿ ಅಟಲ್‌ ಬಿಹಾರಿ ವಾಜಪೇಯಿ ಸ್ಮರಣಾರ್ಥ “ಅಟಲ್‌ ಗೌರವ ಪಥ’ ಎಂಬ ಹೆಸರು ಇರಿಸಬೇಕು.  ಹೀಗೆಂದು ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್‌ ಆದೇಶ ನೀಡಿದ್ದಾರೆ. ಆ ರಸ್ತೆಗಳಲ್ಲಿ ಎಲ್ಲಾ ರೀತಿಯ ಆಧುನಿಕ ಸೌಕರ್ಯ ಇರಬೇಕು ಎಂದಿದ್ದಾರೆ. ಅಲಹಾಬಾದ್‌ನಲ್ಲಿ 2019ರ ಜ.15-ಮಾ.4ರ ವರೆಗೆ ನಡೆಯುವ ಕುಂಭ ಮೇಳದಲ್ಲಿ ಶುಚಿತ್ವಕ್ಕೆ ಹೆಚ್ಚಿನ ಆದ್ಯತೆ ನೀಡಬೇಕು ಎಂದು ಸೂಚಿಸಿದ್ದಾರೆ.