ಸ್ವಯಂ ಚಾಲಿತ ಸ್ಯಾನಿಟರಿ ಪ್ಯಾಡ್‌ ವೆಂಡಿಂಗ್‌ ಯಂತ್ರ ಉದ್ಘಾಟನೆ

ಉಡುಪಿ: ಮಹಿಳಾ ದಿನಾಚರಣೆ ಅಂಗವಾಗಿ ಗುರುವಾರ ಉಡುಪಿಯ ಕೊಂಕಣ ರೈಲು ನಿಲ್ದಾಣದಲ್ಲಿ ಸ್ವಯಂಚಾಲಿತ ಸ್ಯಾನಿಟರಿ ಪ್ಯಾಡ್‌ ವೆಂಡಿಂಗ್‌ ಯಂತ್ರವನ್ನು ಉದ್ಘಾಟಿಸ ಲಾಯಿತು. ರಾಜ್ಯದಲ್ಲಿ ಪ್ರಥಮವಾಗಿ ಈ ಸೌಲಭ್ಯ ಕಲ್ಪಿಸಲಾಗಿದೆ.

ಜಿಲ್ಲಾ ಬಿಜೆಪಿ  ಮಹಿಳಾ ಮೋರ್ಚಾದ ಅಧ್ಯಕ್ಷೆ ನಯನಾ ಗಣೇಶ್‌ ಉದ್ಘಾಟಿಸಿದರು. ಬಿಜೆಪಿ ಮಹಿಳಾ ಮೋರ್ಚಾದ ಸುರೇಖಾ ಶೆಟ್ಟಿ, ಕುಸುಮಾ ವಿಶ್ವನಾಥ್‌, ಕೊಂಕಣ ರೈಲ್ವೇ ಸಾರ್ವಜನಿಕ ಸಂಪರ್ಕಾಧಿಕಾರಿ ಸುಧಾ ಕೃಷ್ಣಮೂರ್ತಿ, ಉಡುಪಿ ಕೊಂಕಣ ರೈಲ್ವೇ ಅಧಿಕಾರಿಗಳಾದ ರಮೇಶ್‌ ಹೆಗ್ಡೆ, ಸತೀಶ್‌ ಶೆಟ್ಟಿ, ವಾರ್ತಾ ಇಲಾಖೆಯ ಉಪ ನಿರ್ದೇಶಕರಾದ ರೋಹಿಣಿ ಮತ್ತಿತರರು ಉಪಸ್ಥಿತರಿದ್ದರು.

ಈ ವಿನೂತನ ಪೆಟ್ಟಿಗೆಯಲ್ಲಿ 20 ಸ್ಯಾನಿಟರಿ ನ್ಯಾಪ್ಕಿನ್‌ಗಳು ಇರುತ್ತವೆ. ಐದು ರೂಪಾಯಿ ನಾಣ್ಯವನ್ನು ಹಾಕಿ ಇದನ್ನು ಪಡೆಯಬಹುದು. ಯಂತ್ರವನ್ನು ರೈಲು ನಿಲ್ದಾಣದ ಪ್ರಯಾಣಿಕರ ವಿಶ್ರಾಂತಿ ಕೊಠಡಿಯಲ್ಲಿ. ಸ್ಥಾಪಿಸಲಾಗಿದೆ. ಮಡಗಾಂವ್‌ ನಿಲ್ದಾಣದಲ್ಲಿ ಮಡಗಾಂವ್‌ ನಗರಸಭಾಧ್ಯಕ್ಷೆ ಡಾ| ಬಬಿತಾ ಪ್ರಭುದೇಸಾಯಿ ಮತ್ತು ರತ್ನಾಗಿರಿಯಲ್ಲಿ ಭಾರತೀಯ ಕರಾವಳಿ ತಟರಕ್ಷಣಾ ಪಡೆಯ ಉಪ ಕಮಾಂಡೆಂಟ್‌ ಅನ್ನು ಯಾದವ್‌ ನ್ಯಾಪ್‌ಕಿನ್‌ ಮಾರಾಟ ಯಂತ್ರವನ್ನು ಗುರುವಾರ ಬಿಡುಗಡೆಗೊಳಿಸಿದರು.