ಆಸ್ಟ್ರೇಲಿಯದ ಡಾರ್ವಿನ್‌ ನಗರದಲ್ಲಿ ಗನ್‌ ಮ್ಯಾನ್‌ ದಾಳಿಗೆ ನಾಲ್ವರು ಬಲಿ

ಮೆಲ್ಬೋರ್ನ್ : ಆಸ್ಟ್ರೇಲಿಯದ ಡಾರ್ವಿನ್‌ ನಗರದಲ್ಲಿ ಬಂದೂಕುಧಾರಿಯೊಬ್ಬ ಕನಿಷ್ಠ ನಾಲ್ವರನ್ನು ಗುಂಡಿಕ್ಕಿ ಕೊಂದಿರುವುದಾಗಿ ಮಾಧ್ಯಮ ವರದಿಗಳು ತಿಳಿಸಿವೆ.

45 ವರ್ಷದ ಬಂದೂಕುಧಾರಿ ಈಗ ಪೊಲೀಸ್‌ ಕಸ್ಟಡಿಯಲ್ಲಿದ್ದಾನೆ ಎಂದು ಪೊಲೀಸ್‌ ಸುಪರಿಂಟೆಂಡೆಂಟ್‌ ಲೀ ಮಾರ್ಗನ್‌ ತಿಳಿಸಿದ್ದಾರೆ.

ಬಂದೂಕುಧಾರಿಯ ಗುಂಡಿನ ದಾಳಿಯಲ್ಲಿ ಅನೇಕರು ಗಾಯಗೊಂಡಿರುವುದಾಗಿ ಅವರು ತಿಳಿಸಿದ್ದಾರೆ.

ಆಸ್ಟ್ರೇಲಿಯನ್‌ ಬ್ರಾಡ್‌ಕಾಸ್ಟಿಂಗ್‌ ಕಾರ್ಪೊರೇಶನ್‌ ವರದಿಯ ಪ್ರಕಾರ ಬಂದೂಕುಧಾರಿ ತನ್ನಲ್ಲಿದ್ದ ಪಂಪ್‌ ಆ್ಯಕ್ಷನ್‌ ಶಾಟ್‌ ಗನ್‌ ನಿಂದ ವೂಲ್‌ನರ್‌ ಹೊರವಲಯದ ಪಾಮ್ಸ್‌ ಹೊಟೇಲ್‌ ನಲ್ಲಿ ಗುಂಡು ಹಾರಾಟ ನಡೆಸಿರುವುದಾಗಿ ತಿಳಿದು ಬಂದಿದೆ.