Assembly Election: ನಾನು ಪ್ರಚಾರ ಮಾಡದ್ದಕ್ಕೆ ನೀನು ಶಾಸಕನಾದೆ: ಸಂಬಂಧಿಗೆ ಅಜಿತ್‌

ಮುಂಬಯಿ: “ನೀನು ಸ್ಪಲ್ಪದರಲ್ಲೇ ಬಚಾವಾದೆ. ಒಂದು ವೇಳೆ ನಾನು ಪ್ರಚಾರ ಮಾಡಿದ್ದರೆ ಏನಾಗುತ್ತಿತ್ತು, ಕಲ್ಪಿಸಿಕೋ. ಬಾ, ನನ್ನ ಆಶೀರ್ವಾದ ತೆಗೆದುಕೋ’ ಎಂದು ಸೋದರ ಸಂಬಂಧಿ ರೋಹಿತ್‌ ಪವಾರ್‌ಗೆ ಮಹಾರಾಷ್ಟ್ರ ಡಿಸಿಎಂ ಅಜಿತ್‌ ಪವಾರ್‌ ಹಾಸ್ಯಮಯವಾಗಿ ಹೇಳಿದ್ದಾರೆ.

ಕಾರ್ಯಕ್ರಮವೊಂದರಲ್ಲಿ ಎದುರಾದ ಕರ್ಜಾತ್‌ ಜಮ್‌ಖೇಡ್‌ ಕ್ಷೇತ್ರದ ಶರದ್‌ ಪವಾರ್‌ ಬಣದ ಎನ್‌ಸಿಪಿ ಶಾಸಕ ರೋಹಿತ್‌ ಪವಾರ್‌, ತಮ್ಮ ಕಾಲಿಗೆ ಬಿದ್ದು ಆಶೀರ್ವಾದ ಪಡೆದ ಬಳಿಕ ಅಜಿತ್‌, ಈ ಹೇಳಿಕೆ ನೀಡಿದ್ದಾರೆ. ಇಲ್ಲಿ ರೋಹಿತ್‌ ಕೇವಲ 1,243 ಮತಗಳ ಅಂತರದಿಂದ ಬಿಜೆಪಿ ಅಭ್ಯರ್ಥಿ ಎದುರು 2ನೇ ಬಾರಿ ಜಯ ಗಳಿಸಿದ್ದರು.