Sullia ವಿದ್ಯಾರ್ಥಿ ಮೇಲೆ ಹಲ್ಲೆ; ಜೀವ ಬೆದರಿಕೆ

ಸುಳ್ಯ: ಪದವಿ ವಿದ್ಯಾರ್ಥಿಯೋರ್ವನಿಗೆ ತಂಡ ಹಲ್ಲೆ ನಡೆಸಿ ಜೀವ ಬೆದರಿಕೆ ಒಡ್ಡಿರುವ ಬಗ್ಗೆ ಸುಳ್ಯ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಸುಳ್ಯದ ಖಾಸಗಿ ಕಾಲೇಜಿನ ವಳಲಂಬೆಯ ವಿದ್ಯಾರ್ಥಿ ಈ ಬಗ್ಗೆ ಠಾಣೆಗೆ ದೂರು ನೀಡಿದ್ದಾನೆ. 2023-2024ನೇ ಸಾಲಿಗೆ ಕಾಲೇಜಿನಲ್ಲಿ ವಿದ್ಯಾರ್ಥಿ ಸಂಫದ ಅಧ್ಯಕ್ಷನಾಗಿದ್ದ ಈ ವಿದ್ಯಾರ್ಥಿಗೆ, ಕೆಲವು ವಿದ್ಯಾರ್ಥಿಗಳ ವಿರೋಧವಿತ್ತು.

ಶುಕ್ರವಾರ ವಿದ್ಯಾರ್ಥಿ ಇನ್ನಿಬ್ಬರು ಸ್ನೇಹಿತರೊಂದಿಗೆ ಚೆನ್ನಕೇಶವ ದೇವಸ್ಥಾನದ ಜಾತ್ರೆಗೆ ಬಂದ ವೇಳೆ ಇನ್ನೊಂದು ಬಣದ ವಿದ್ಯಾರ್ಥಿಗಳು ಇವರನ್ನು ತಡೆದು ಅವಾಚ್ಯ ಶಬ್ದಗಳಿಂದ ನಿಂದಿಸುತ್ತ ವಿದ್ಯಾರ್ಥಿ ಸಂಘದ ಅಧ್ಯಕ್ಷನಾದ ಬಳಿಕ ಬಹಳಷ್ಟು ಹಾರಾಡುತ್ತೀಯ ಎಂದು ಹೇಳಿ ಹಲ್ಲೆ ಮಾಡಿ ಜೀವ ಬೆದರಿಕೆ ಹಾಕಿದ್ದರು.