Assam: ಕಾಜಿ ನೀಮುಗೆ ಅಸ್ಸಾಂ ರಾಜ್ಯ ಹಣ್ಣಿನ ಸ್ಥಾನಮಾನ

ಗುವಾಹಟಿ: ವಿಶಿಷ್ಟ ಸ್ವಾದ ಮತ್ತು ಪರಿಮಳಕ್ಕೆ ಹೆಸರುವಾಸಿಯಾಗಿರುವ ಕಾಜಿ ನೀಮುಗೆ (ಕಿತ್ತಳೆ ಜಾತಿಯ ಹಣ್ಣು) ಅಸ್ಸಾಂ ಸರ್ಕಾರ ರಾಜ್ಯದ ಹಣ್ಣಿನ ಸ್ಥಾನಮಾನ ಘೋಷಿಸಿದೆ.

ಸೋಮವಾರ ನಡೆದ ಸಂಪುಟ ಸಭೆಯಲ್ಲಿ ಈ ಬಗ್ಗೆ ನಿರ್ಧಾರ ಮಾಡಲಾಗಿದ್ದು, ಇದು ನಮ್ಮ ಸರ್ಕಾರ ತೆಗೆದುಕೊಂಡಿರುವ ಅತ್ಯುತ್ತಮ ನಿರ್ಧಾರಗಳಲ್ಲೊಂದು ಎಂದು ಕೃಷಿ ಸಚಿವ ಅಟುಲ್‌ ಬೋರಾ ಮಂಗಳವಾರ ವಿಧಾನಸಭೆಯಲ್ಲಿ ಹೇಳಿದ್ದಾರೆ. ನೋಡಲು ಗಜನಿಂಬೆ ಹಣ್ಣಿನ ರೀತಿ ಕಾಣುವ ಇವು, ಆಹಾರ ಖಾದ್ಯಗಳಿಗೆ ವಿಶೇಷ ರುಚಿ ನೀಡಲಿದ್ದು, ರೋಗ ನಿರೋಧಕ ಶಕ್ತಿ ಹೆಚ್ಚಿಸುವ ಗುಣ ಹೊಂದಿದೆ.