Asia Cup; ಶ್ರೀಲಂಕಾ ಹವಾಮಾನ ಕ್ರಿಕೆಟ್‌ ಆಟಕ್ಕೆ ಅನುಕೂಲ

ಕೊಲಂಬೊ : ಏಷ್ಯಾ ಕಪ್‌ನ ಆರಂಭಿಕ ಹಂತದ ಪಂದ್ಯಗಳಿಗೆ ಮಳೆ ಬಹಳಷ್ಟು ತೊಂದರೆ ನೀಡಿದ್ದರೂ ಈ ವಾರ ಹವಾಮಾನ ಕ್ರಿಕೆಟ್‌ ಆಟಕ್ಕೆ ಹೆಚ್ಚಿನ ಅನುಕೂಲ ಮಾಡಿಕೊಡಲಿದೆ ಎಂದು ಶ್ರೀಲಂಕಾ ಹವಾಮಾನ ಇಲಾಖೆಯ ಹಿರಿಯ ಅಧಿಕಾರಿ ತಿಳಸಿದ್ದರಿಂದ ಸಂಘಟಕರು ಸಮಾಧಾನಗೊಂಡಿದ್ದಾರೆ.

ಸೆ. 9ರ ಬಳಿಕ ಹವಾಮಾನವು ಕ್ರಿಕೆಟಿಗೆ ಅನುಕೂಲಕರವಾಗಿರಲಿದೆ ಎಂದು ಇಲಾಖೆಯ ಪ್ರಧಾನ ನಿರ್ದೇಶಕ ಅತುಲ ಕರುಣನಾಯಕೆ ಹೇಳಿದ್ದಾರೆ. ಈ ವಾರ ಸೂಪರ್‌ ಫೋರ್‌ ಹಂತದ ಪಂದ್ಯಗಳು ನಡೆಯಲಿದ್ದು ಸೆ. 10ರಂದು ಭಾರತ ಮತ್ತು ಪಾಕಿಸ್ಥಾನ ನಡುವೆ ತೀವ್ರ ಪೈಪೋಟಿಯ ಪಂದ್ಯ ನಡೆಯಲಿದೆ. ಈ ಎರಡು ತಂಡಗಳ ಲೀಗ್‌ ಹಂತದ ಪಂದ್ಯ ಮಳೆಯಿಂದ ರದ್ದುಗೊಂಡಿತ್ತು.

ಸೂಪರ್‌ ಫೋರ್‌ ಹಂತದ ಇನ್ನೊಂದು ಪಂದ್ಯದಲ್ಲಿ ರೋಹಿತ್‌ ಪಡೆ ಸೆ. 12ರಂದು ಶ್ರೀಲಂಕಾವನ್ನು ಎದುರಿಸಲಿದ್ದರೆ ಸೆ. 15ರಂದು ಬಾಂಗ್ಲಾದೇಶವನ್ನು ಎದುರಿಸಲಿದೆ. ಫೈನಲ್‌ ಸೆ. 17ರಂದು ಜರಗಲಿದೆ.