ಡಿ.9ರಿಂದ ಆರಂಭವಾಗಲಿದೆ ಆ್ಯಷಸ್‌ ಕ್ರಿಕೆಟ್‌ ಸರಣಿ

ಮೆಲ್ಬರ್ನ್: ಇಂಗ್ಲೆಂಡ್‌-ಆಸ್ಟ್ರೇಲಿಯ ನಡುವಿನ ಬಹುನಿರೀಕ್ಷೆಯ ಆ್ಯಷಸ್‌ ಕ್ರಿಕೆಟ್‌ ಸರಣಿ ಡಿ. 9ರಿಂದ ಬ್ರಿಸ್ಬೇನ್‌ನಲ್ಲಿ ಆರಂಭಗೊಳ್ಳಲಿದೆ. 5 ಪಂದ್ಯಗಳ ಈ ಸರಣಿ 2022ರ ಜನವರಿ ಮಧ್ಯಭಾಗದ ತನಕ ಮುಂದುವರಿಯಲಿದೆ.

ಈ ಕುರಿತು “ಏಜ್‌’ನಲ್ಲಿ ವರದಿಯಾಗಿದ್ದು, ವೇಳಾಪಟ್ಟಿ ಇನ್ನಷ್ಟೇ ಅಧಿಕೃತವಾಗಿ ಪ್ರಕಟಗೊಳ್ಳಬೇಕಿದೆ. ಈ  ಸರಣಿಯ ಅಂತಿಮ ಟೆಸ್ಟ್‌ ಪಂದ್ಯ ಸಿಡ್ನಿ ಬದಲು ಪರ್ತ್ ನಲ್ಲಿ ನಡೆಯಲಿದೆ. ಆಗ 1995ರ ಬಳಿಕ ಮೊದಲ ಬಾರಿಗೆ ಆ್ಯಷಸ್‌ ಸರಣಿಯ ಕೊನೆಯ ಟೆಸ್ಟ್‌ ಪಂದ್ಯದ ಆತಿಥ್ಯ ಸಿಡ್ನಿಯ ಕೈತಪ್ಪಿದಂತಾಗುತ್ತದೆ.

ಇದನ್ನೂ  ಓದಿ:ಚೋಪ್ರಾ ರಚಿಸಿದ ಟೀಮ್‌ ಇಂಡಿಯಾ ತಂಡಕ್ಕೆ ಶಿಖರ್‌ ಧವನ್‌ ನಾಯಕ

ಬ್ರಿಸ್ಬೇನ್‌ ಟೆಸ್ಟ್‌ ಬಳಿಕ ಅಡಿಲೇಡ್‌ನ‌ಲ್ಲಿ ಹಗಲು-ರಾತ್ರಿ ಪಂದ್ಯ ನಡೆಯಲಿದೆ. ಮೆಲ್ಬರ್ನ್ ನಲ್ಲಿ ಬಾಕ್ಸಿಂಗ್‌ ಡೇ ಟೆಸ್ಟ್‌, ಸಿಡ್ನಿಯಲ್ಲಿ ಹೊಸವರ್ಷದ ಪಂದ್ಯ ಏರ್ಪಡಲಿದೆ