ಇಂದಿನಿಂದ ಆ್ಯಶಸ್‌ ಟೆಸ್ಟ್‌ ಸರಣಿ ಆರಂಭ

ಬ್ರಿಸ್ಬೇನ್‌: ಆಸ್ಟ್ರೇಲಿಯಾ ವಿರುದ್ಧ ಗುರುವಾರದಿಂದ ಆರಂಭವಾಗಲಿರುವ ಪ್ರತಿಷ್ಠಿತ ಆ್ಯಶಸ್‌ ಮೊದಲ ಟೆಸ್ಟ್‌ಗೆ ಪ್ರವಾಸಿ ಇಂಗ್ಲೆಂಡ್‌ ತಂಡ ಸಿದ್ಧವಾಗಿದೆ.

ಎರಡೂ ರಾಷ್ಟ್ರಗಳ ಪ್ರತಿಷ್ಠೆಯ ಕಣದಲ್ಲಿ ಗೆಲುವು  ಯಾರಿಗೆ ಎನ್ನುವುದು ಪ್ರಶ್ನೆಯಾಗಿದೆ. 5 ಟೆಸ್ಟ್‌ ಪಂದ್ಯ, 5 ಏಕದಿನ ಪಂದ್ಯ ನಡೆಯಲಿದ್ದು ಎರಡೂ ರಾಷ್ಟ್ರಗಳ ನಡುವೆ ಜಿದ್ದಾಜಿದ್ದಿನ ಹೋರಾಟ ನಿರೀಕ್ಷಿಸಲಾಗಿದೆ. ಕಳೆದ 5 ಸರಣಿಯಲ್ಲಿ ಒಂದರಲ್ಲಿ ಮಾತ್ರ ಆಸ್ಟ್ರೇಲಿಯಾ ಗೆದ್ದಿದೆ. ಉಳಿದ 4 ಟೆಸ್ಟ್‌  ಸರಣಿಯನ್ನು ಇಂಗ್ಲೆಂಡ್‌ ಕೈವಶ ಮಾಡಿಕೊಂಡಿದೆ. ಆದರೆ ಒಟ್ಟಾರೆ 325 ಟೆಸ್ಟ್‌ ಪಂದ್ಯದಲ್ಲಿ ಆಸ್ಟ್ರೇಲಿಯಾ 130 ಪಂದ್ಯ ಗೆದ್ದಿದ್ದರೆ. ಇಂಗ್ಲೆಂಡ್‌ 106 ಪಂದ್ಯ ಗೆದ್ದಿದೆ.

ಬ್ರಿಸ್ಬೇನ್‌ನಲ್ಲಿ ಬುಧವಾರ ನಡೆದ ಪತ್ರಿಕಾಗೋಷ್ಠಿಯಲ್ಲಿ ಇಂಗ್ಲೆಂಡ್‌ ತಂಡವನ್ನು ನಾಯಕ ಜೋ ರೂಟ್‌ ತಂಡವನ್ನು ಘೋಷಿಸಿದರು. 26  ವರ್ಷದ ಜಾಕ್‌ ಬಾಲ್‌ ಅವರಿಗೆ ತಂಡದಲ್ಲಿ ಸ್ಥಾನ ನೀಡಲಾಗಿದೆ. ಅವರು ಈ ಹಿಂದೆ ಕೌಂಟಿ ಕ್ರಿಕೆಟ್‌ನಲ್ಲಿ ಅಮೋಘ ಪ್ರದರ್ಶನ ನೀಡಿದ್ದರು. ಉಳಿದಂತೆ ಇಂಗ್ಲೆಂಡ್‌ ತಂಡದಲ್ಲಿ ಜೇಮ್ಸ್‌ ಆ್ಯಂಡರ್ಸನ್‌, ಸ್ಟುವರ್ಟ್‌ ಬ್ರಾಡ್‌ ಹಾಗೂ ಕ್ರಿಸ್‌ ವೋಕ್ಸ್‌ ತಂಡದಲ್ಲಿರುವ ಉಳಿದ ವೇಗಿಗಳು.

ವಾರ್ನರ್‌ ಔಟ್‌, ಮ್ಯಾಕ್ಸ್‌ವೆಲ್‌ಗೆ ಕರೆ: ಮೊದಲ ಟೆಸ್ಟ್‌ ಪಂದ್ಯದಿಂದ ಗಾಯಾಳು ಆಸ್ಟ್ರೇಲಿಯಾ ತಂಡದ ಡೇವಿಡ್‌ ವಾರ್ನರ್‌ ಔಟ್‌ ಆಗಿದ್ದಾರೆ.  ಅವರ ಬದಲಿಗೆ ತಂಡದಲ್ಲಿ ಸ್ಫೋಟಕ ಬ್ಯಾಟ್ಸ್‌ಮನ್‌ ಡೇವಿಡ್‌ ವಾರ್ನರ್‌ಗೆ ಸ್ಥಾನ ನೀಡಲಾಗಿದೆ ಎಂದು ಆಸ್ಟ್ರೇಲಿಯಾ ತಂಡದ ನಾಯಕ ಸ್ಟೀವ್‌ ಸ್ಮಿತ್‌ ತಿಳಿಸಿದ್ದಾರೆ.