ಖಾಲಿಯಾ ರಫೀಕ್‌ ಹತ್ಯೆ ಪ್ರಕರಣ ಸಾದಿಕ್‌ ಯಾನೆ ಬ್ಲೇಡ್‌ ಸಾದಿಕ್‌ ಸೆರೆ

ಉಳ್ಳಾಲ: ಖಾಲಿಯಾ ರಫೀಕ್‌ ಹತ್ಯೆಗೆ ಸಂಬಂಧಿಸಿದಂತೆ ವಿಟ್ಲ ನಿವಾಸಿ ಸಾದಿಕ್‌ ಯಾನೆ ಬ್ಲೇಡ್‌ ಸಾದಿಕ್‌ನನ್ನು ಸಿಸಿಬಿ ಪೊಲೀಸರು ವಶಕ್ಕೆ ಪಡೆದುಕೊಂಡಿದ್ದು, ಹತ್ಯೆಗೆ ಸಂಬಂಧಿಸಿದಂತೆ ಬಂಧಿತರ ಸಂಖ್ಯೆ 5ಕ್ಕೇರಿದೆ.

ಖಾಲಿಯಾನನ್ನು ಉಪ್ಪಳ ರೌಡಿ ಗ್ಯಾಂಗ್‌ನ ಕಸಾಯಿ ಆಲಿ ಯಾನೆ ನೂರ್‌ ಆಲಿ ತಂಡ ಹತ್ಯೆಗೈದಿತ್ತು. ಐದನೇ ಆರೋಪಿಯಾಗಿರುವ ಆತನಿಂದ ಪಿಸ್ತೂಲನ್ನು ವಶಪಡಿಸಿಕೊಳ್ಳಲಾಗಿದೆ. ವಕೊಡಂಗಾಯಿ ನಿವಾಸಿಯಾಗಿರುವ ಈತ ವಿಟ್ಲದಲ್ಲಿ ಫ್ಲಾಟ್‌ದೊಂರಲ್ಲಿ ವಾಸವಾಗಿದ್ದು.ಆತನ ವಿರುದ್ಧ ಕೊಲೆ, ಕೊಲೆಯತ್ನ , ಹಲ್ಲೆ, ಗಲಾಟೆ, ದರೋಡೆ  ಸಹಿತ 10ಕ್ಕೂ ಅಧಿಕ ಪ್ರಕರಣಗಳಿದ್ದು,  ಗೂಂಡಾ ಕಾುದೆಯಡಿ ಪ್ರಕರಣವೂ ದಾಖಲಾಗಿದೆ.

ಸಾದಿಕ್‌ ಕೊಲೆಗೆ ಸ್ಕಚ್‌ ಹಾಕಿದ್ದ  ಖಾಲಿಯಾ: ಕೆಲ ತಿಂಗಳ ಹಿಂದೆ ಸಾದಿಕ್‌ ವಿಟ್ಲ ಕನ್ಯಾನ ಸಮೀಪ ಹಲ್ಲೆ ಪ್ರಕರಣದಲ್ಲಿ ಪ್ರಮುಖ ಆರೋಪಿಯಾಗಿದ್ದ ಸಾದಿಕ್‌ನನ್ನು ಮುಗಿಸಲು ಖಾಲಿಯಾ ಸಹಚರರು ವಿಟ್ಲದಲ್ಲಿ ಹುಡುಕಾಡಿ ದ್ದರು. ತನ್ನನ್ನು ಹುಡುಕುವ ಮಾಹಿತಿ ದೊರಕುತ್ತಿದ್ದಂತೆ ತಲೆಮರೆಸಿಕೊಂಡಿದ್ದ ಸಾದಿಕ್‌ ಕಾಲಿಯಾ ವಿರೋಧಿ ಬಣವಾದ ಕಸಾಯಿ ತಂಡದೊಂದಿಗೆ ಸೇರಿ ಹತ್ಯೆಗೆ ಕೈ ಜೋಡಿಸಿದ್ದರು. ರಫೀಕ್‌ ಕೊಲೆಗೆ ಸಂಬಂಧಿಸಿದಂತೆ ಉಪ್ಪಳದ ನೂರ್‌ ಆಲಿ, ರವೂಫ್‌ ಮತ್ತು ಮಂಗಳೂರು ಮೂಲದ ಆರೋಪಿಗಳಾದ ಪದ್ದು ಯಾನೆ, ಪದ್ಮನಾಭ, ರಶೀದ್‌ನನ್ನು ಬಂಧಿಸಲಾಗಿತ್ತು.