ಎಡಪದವು: ನ್ಯಾಯಾಲಯಕ್ಕೆ ಹಾಜರಾಗದೆ 8 ವರ್ಷಗಳಿಂದ ತಲೆಮರೆಸಿಕೊಂಡಿದ್ದ, ಕುಪ್ಪೆಪದವಿನ ಕಿಲೆಂಜಾರು ಸಮೀಪದ ಅಚಾರಿಜೋರ ನಿವಾಸಿ ಅದ್ದ ಯಾನೆ ಅಬ್ದುಲ್‌ ರಹಿಮಾನ್‌ (45) ಬಜಪೆ ಪೊಲೀಸರು ಬಂಧಿಸಿದ್ದಾರೆ.
ಬೈಕ್‌ ಕಳವು ಆರೋಪಿ
2004ರಲ್ಲಿ ಬಡಗ ಎಡಪದನ ದಡ್ಡಿಗುಳಿ ನಿವಾಸಿ ಬಾಲಕೃಷ್ಣ ಅವರು ಗಂಜಿಮಠ ಸಮೀಪದ ಮಳಲಿ ಕ್ರಾಸ್‌ನ ತನ್ನ ಸರ್ವಿಸ್‌ ಸೆಂಟರ್‌ ಮುಂದೆ ನಿಲ್ಲಿಸಿರುವ ಸಿಆರ್‌ಎಕ್ಸ್‌ ಬೈಕನ್ನು ಕಳವು ಮಾಡಿರುವ ಬಗ್ಗೆ ನೀಡಿದ್ದ ರೂರಿನಂತೆ ಬಜಪೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು.
ಪೊಲೀಸರು 2004ರ ಜೂ. 28ರಂದು ಕಳವು ಮಾಡಿದ ಸೊತ್ತಿನೊಂದಿಗೆ 4 ಮಂದಿಯನ್ನು ಬಂಧಿಸಿದ್ದರು. ಈ ಪೈಕಿ ಮೂವರು ಖುಲಾಸೆಗೊಂಡಿದ್ದರು. ಈ ಪೈಕಿ ಅಬ್ದುಲ್‌ ರಹಿಮಾನ್‌ ನ್ಯಾಯಾಲಯಕ್ಕೆ ಹಾಜರಾಗದೆ ತಲೆ ಮರೆಸಿಕೊಂಡಿದ್ದ. ಈತನನ್ನು ಜೂ.26ರಂದು ಬಂಧಿಸಲಾಗಿದೆ.
