ಕಾರಿನೊಳಗಿದ್ದ ಸರ ಕಳವು : ಆರೋಪಿ ಅರೆಸ್ಟ್

ಶಿರಸಿ: ಕಾರಿನೊಳಗಿದ್ದ ಬಂಗಾರದ ಸರ ಕಳವುಗೈದ ಆರೋಪಿಯನ್ನು ನಗರ ಪೊಲೀಸ್ ಠಾಣಾ ಪೊಲೀಸರು ಗುರುವಾರ ಬಂಧಿಸಿದ್ದಾರೆ.

ಬಂಧಿತ ಆರೋಪಿ ಬೆಂಗಳೂರಿನ ಮಲ್ಲತಳ್ಳಿ ನಿವಾಸಿಯಾಗಿದ್ದು ಮೋಹನ್ ನಾಗರಾಜ್ ಗಣಪತಿ ನಾಯ್ಕ ಎನ್ನುವವನಾಗಿದ್ದಾನೆ. ಈತನ ಬಳಿಯಿದ್ದ ಸ್ವತ್ತನ್ನು ಪೊಲೀಸರು ವಶಪಡಿಸಿ ಕೊಂಡಿದ್ದಾರೆ.

ಕೋಣನ ಬಿಡಕಿ ಟೆಂಪೊ ಸ್ಟಾಂಡ್ ಹತ್ತಿರ ಸಂತೋಷ್ ಶಿವಪ್ಪ ಚೌರದ ಅವರು ನಿಲ್ಲಿಸಿದ ಟಾಟಾ ವಿಸ್ತ ಕಾರಿನ ಒಳಗಡೆ ಬ್ಯಾಗಿನಲ್ಲಿ ಇಟ್ಟ 13 ಗ್ರಾಂ ತೂಕದ 55 ಸಾ.ರೂ ಬೆಲೆಬಾಳುವ ಬಂಗಾರದ ಸರವನ್ನು ಕಳ್ಳತನ ಮಾಡಿಕೊಂಡು ಹೋಗಿದ್ದ .

ಕಾರ್ಯಾಚರಣೆಯಲ್ಲಿ ಶಿರಸಿ ಉಪವಿಭಾಗದ ಡಿವೈಎಸ್ಪಿ ರವಿ ಡಿ. ನಾಯ್ಕ್, ಶಿರಸಿ ವೃತ್ತದ ಸಿಪಿಐ ರಾಮಚಂದ್ರ ನಾಯಕ್ ,ಶಿರಸಿ ನಗರ ಠಾಣೆಯ ಪಿಎಸ್ಐಗಳಾದ ಮೋಹಿನಿ ಶೆಟ್ಟಿ , ರಾಜಕುಮಾರ್ , ಸಿಬ್ಬಂದಿಗಳಾದ ಪ್ರಶಾಂತ್ ಪವಸ್ಕರ್ ,ಗಣಪತಿ ಪಟಗಾರ್, ಕೋಟೇಶ್ ,ಚೇತನ್ ಕುಮಾರ್, ರಾಜು ಸಲ್ಗಾವ್ , ಫಕೀರೇಶ ವನ್ನೂರ್, ಪಾಲ್ಗೊಂಡಿದ್ದರು.