ಸಾಮಾನ್ಯರಿಗೂ 3 ವರ್ಷದ ಮಟ್ಟಿಗೆ ಸೈನಿಕರಾಗುವ ಅವಕಾಶ

ನವದೆಹಲಿ: ಭಾರತೀಯ ಸೇನೆಯು, ಸಾಮಾನ್ಯ ನಾಗರಿಕನಿಗೂ “ಪ್ರವಾಸದ ಕರ್ತವ್ಯ’ (ಟೂರ್‌ ಆಫ್ ಡ್ಯೂಟಿ ) ಹೆಸರಿನಲ್ಲಿ 3 ವರ್ಷದ ಮಟ್ಟಿಗೆ ಸೈನಿಕರಾಗುವ ಅವಕಾಶವನ್ನು ಕಲ್ಪಿಸುತ್ತಿದೆ.

ಈ ಯೋಜನೆ ಇನ್ನೂ ಚರ್ಚೆಯ ಹಂತದಲ್ಲಿದ್ದು, ದೇಶಸೇವೆ ಮಾಡಲು ಉತ್ಸುಕರಾಗಿರುವ ನಾಗರಿಕರಿಗೆ ಸೇನೆ ಬಾಗಿಲು ತೆರೆಯಲಿದೆ. ಸೇನೆಯು ಅತ್ಯುತ್ತಮ ಪ್ರತಿಭೆಗಳನ್ನು ಸೆಳೆಯಲು ಮುಂದಾಗಿದ್ದು, ಕಿರು ಸೇವಾ ಆಯೋಗವನ್ನು ರಚಿಸಿದೆ. ಅದರಂತೆ, ನಾಗರಿಕರಲ್ಲಿ ಅರ್ಹರು ಗರಿಷ್ಠ 10 ವರ್ಷಗಳವರೆಗೂ ಸೇವೆ ಸಲ್ಲಿಸಬಹುದಾಗಿದೆ. ಭಾರತೀಯ ಸೇನೆಯಲ್ಲಿ ಶೇ.14ರಷ್ಟು ಕೇಡರ್‌ ಅಧಿಕಾರಿಗಳ ಕೊರತೆ ಇದ್ದು, ಅವುಗಳ ಭರ್ತಿಗೂ ಚಿಂತಿಸಲಾಗುತ್ತಿದೆ ಎಂದು ಸೇನಾ ಮೂಲಗಳು ತಿಳಿಸಿವೆ.