Sikkim ಕೇವಲ 18 ದಿನಗಳಲ್ಲಿ ಸೇತುವೆ ನಿರ್ಮಿಸಿದ ಭಾರತೀಯ ಯೋಧರು

ಗ್ಯಾಂಗ್ಟಕ್‌: ಪ್ರವಾಹಪೀಡಿತ ಸಿಕ್ಕಿಂನಲ್ಲಿ ಭಾರತೀಯ ಸೇನೆಯ ಯೋಧರು ಕೇವಲ 18 ದಿನಗಳಲ್ಲಿ ಸೇತುವೆಯೊಂದನ್ನು ನಿರ್ಮಿಸುವ ಮೂಲಕ ಎರಡು ನಗರಗಳ ನಡುವೆ ಮತ್ತೆ ಸಂಪರ್ಕ ಏರ್ಪಡುವಂತೆ ಮಾಡುವಲ್ಲಿ ಯಶಸ್ವಿಯಾಗಿದ್ದಾರೆ.

ಅ.4ರಂದು ಸಿಕ್ಕಿಂನಲ್ಲಿ ಉಂಟಾದ ದಿಢೀರ್‌ ಪ್ರವಾಹದಿಂದಾಗಿ ಮಂಗಾನ್‌ ಮತ್ತು ಚುಂಗ್‌ಥಾಂಗ್‌ ನಡುವಿನ ಸಂಪರ್ಕದ ಕೊಂಡಿಯಾಗಿದ್ದ ಸೇತುವೆಯು ಕೊಚ್ಚಿಹೋಗಿತ್ತು.

ಹೀಗಾಗಿ, ಎರಡು ನಗರಗಳ ನಡುವೆ ಸಂಪರ್ಕವೇ ಇಲ್ಲದಾಗಿತ್ತು. ಕೂಡಲೇ ಕಾರ್ಯಪ್ರವೃತ್ತವಾದ ಸೇನೆಯ ತ್ರಿಶಕ್ತಿ ಪಡೆಯು ಸ್ಥಳೀಯರ ನೆರವಿನಿಂದ ಹೊಸ ಸೇತುವೆ ನಿರ್ಮಾಣ ಆರಂಭಿಸಿತ್ತು. ಈಗ ಕಾಮಗಾರಿ ಪೂರ್ಣಗೊಂಡಿದ್ದು, ಕೇವಲ 18 ದಿನಗಳಲ್ಲಿ ಸೇತುವೆ ತಲೆಎತ್ತಿ, ಸಂಚಾರಕ್ಕೆ ಮುಕ್ತವಾಗಿದೆ.