World Rapid Chess: ಕಡೆಗೂ ಅರ್ಜುನ್‌ ಎರಿಗೈಸಿಗೆ ಅಮೆರಿಕ ವೀಸಾ

ನವದೆಹಲಿ: ಭಾರತದ ಖ್ಯಾತ ಚೆಸ್‌ ಆಟಗಾರ ಅರ್ಜುನ್‌ ಎರಿಗೈಸಿಗೆ ಕಡೆಯ ಕ್ಷಣದಲ್ಲಿ ಅಮೆರಿಕ ವೀಸಾ ಲಭಿಸಿದೆ.

ಡಿ.26ರಿಂದ ನ್ಯೂಯಾರ್ಕ್‌ನಲ್ಲಿ ನಡೆಯುವ ವಿಶ್ವ ರ್ಯಾಪಿಡ್‌ ಮತ್ತು ಬ್ಲಿಟ್ಜ್ ಚೆಸ್‌ ಕೂಟದಲ್ಲಿ ಅವರು ಭಾಗವಹಿಸಲು ಸಿದ್ಧವಾಗಿದ್ದಾರೆ. ಸೋಮವಾರದವರೆಗೂ ಅವರಿಗೆ ವೀಸಾ ಸಿಕ್ಕಿರಲಿಲ್ಲ. ಈ ಬಗ್ಗೆ ಅಮೆರಿಕ ರಾಯಭಾರ ಕಚೇರಿ ಹಾಗೂ ಭಾರತೀಯ ಸಚಿವಾಲಯಗಳಿಗೆ ಟ್ವೀಟ್‌ ಮಾಡಿದ್ದ ಅವರು, ನಾನು ಚೆಸ್‌ ಆಡಲು ಅಮೆರಿಕಕ್ಕೆ ಹೋಗುತ್ತಿದ್ದೇನೆ, ಬಹಳ ಹಿಂದೆಯೇ ವೀಸಾಕ್ಕೆ ಅರ್ಜಿ ಸಲ್ಲಿಸಿದ್ದರೂ ನನಗೆ ಇನ್ನೂ ದಾಖಲೆಗಳು ಸಿಕ್ಕಿಲ್ಲ. ದಯವಿಟ್ಟು ವೀಸಾ ದೊರೆಯಲು ಯಾರಾದರೂ ಸಹಾಯ ಮಾಡಿ ಎಂದು ಅವರು ಮನವಿ ಮಾಡಿದ್ದರು.