T20I;ಡಬಲ್‌ ಹ್ಯಾಟ್ರಿಕ್‌ ಸಾಧನೆ ಮೆರೆದ ಆರ್ಜೆಂಟೀನಾದ ಫೆನೆಲ್‌

ಬ್ಯೂನಸ್‌ ಐರಿಸ್‌: ಆರ್ಜೆಂಟೀನಾದ ಹೆರ್ನಾನ್‌ ಫೆನೆಲ್‌ ಅಂತಾರಾಷ್ಟ್ರೀಯ ಟಿ20 ಕ್ರಿಕೆಟ್‌ನಲ್ಲಿ ಡಬಲ್‌ ಹ್ಯಾಟ್ರಿಕ್‌ (ಸತತ 4 ಎಸೆತಗಳಲ್ಲಿ 4 ವಿಕೆಟ್‌) ಪಡೆದ 6ನೇ ಬೌಲರ್‌ ಆಗಿ ಗುರುತಿಸಿಕೊಂಡಿದ್ದಾರೆ. ಅವರು ಐಸಿಸಿ ಪುರುಷರ ಟಿ20 ವಿಶ್ವಕಪ್‌ ಅಮೆರಿಕನ್‌ ಕ್ವಾಲಿಫೈಯರ್‌ ಪಂದ್ಯದಲ್ಲಿ ಕೇಮನ್‌ ಐಲ್ಯಾಂಡ್ಸ್‌ ವಿರುದ್ಧ 14 ರನ್‌ಗೆ 5 ವಿಕೆಟ್‌ ಉರುಳಿಸಿ ಈ ಸಾಧನೆ ಮೆರೆದರು.

ಅಂತಾರಾಷ್ಟ್ರೀಯ ಟಿ20 ಡಬಲ್‌ ಹ್ಯಾಟ್ರಿಕ್‌ ದಾಖಲೆ ಯಾದಿಯಲ್ಲಿ ಅಫ್ಘಾನಿಸ್ಥಾನದ ರಶೀದ್‌ ಖಾನ್‌, ಶ್ರೀಲಂಕಾದ ಲಸಿತ ಮಾಲಿಂಗ, ಐರ್ಲೆಂಡ್‌ನ‌ ಕರ್ಟಿಸ್‌ ಕಾಂಫ‌ರ್‌, ವೆಸ್ಟ್‌ ಇಂಡೀಸ್‌ನ ಜೇಸನ್‌ ಹೋಲ್ಡರ್‌ ಮತ್ತು ಲೆಸೊಥೋನ ವಾಸೀಮ್‌ ವಾಕೂಬ್‌ ಇದ್ದಾರೆ.