ಫೆ.28ರಂದು ಹಾಜರಾಗಿ: ಸುಬ್ರತಾ ರಾಯ್‌ಗೆ ಸುಪ್ರೀಂ ಕೋರ್ಟ್‌ ಆದೇಶ

ಹೊಸದಿಲ್ಲಿ : ಸೆಬಿ – ಸಹಾರಾ ಕೇಸಿನಲ್ಲಿ  ಹೂಡಿಕೆದಾರರಿಗೆ ಮರಳಿಸಲು 25,700 ಕೋಟಿ ರೂ.ಗಳನ್ನು  ಠೇವಣಿ ಇರಿಸಲು ವಿಫ‌ಲರಾಗಿರುವ ಸಹಾರಾ ಸಮೂಹದ ಮುಖ್ಯಸ್ಥ ಸುಬ್ರತಾ ರಾಯ್‌ ಅವರಿಗೆ ಫೆ.28ರಂದು ತನ್ನ ಮುಂದೆ ಹಾಜರಾಗುವಂತೆ ಸುಪ್ರೀಂ ಕೋರ್ಟ್‌ ಇಂದು ಗುರುವಾರ ಆದೇಶಿಸಿದೆ.

25,700 ಕೋಟಿ ರೂ. ಠೇವಣಿ ಇರಿಸಲು ಸಹಾರಾಗೆ ಆರು ತಿಂಗಳ ಕಾಲಾವಕಾಶವನ್ನು ನಮ್ಮ ಹಿಂದಿನ ಆದೇಶದಲ್ಲಿ ನೀಡಿದ್ದೆವು; ಆದರೆ ಈ ಅವಧಿಯಲ್ಲಿ ಏನಾಗಿದೆಯೋ ಅದರಿಂದ ನ್ಯಾಯಾಲಯದ ವಿಶ್ವಾಸಕ್ಕೆ ಸ್ಫೂರ್ತಿ ದೊರಕಿಲ್ಲ ಎಂದು ಕೋರ್ಟ್‌ ಹೇಳಿತು.

ಸಹಾರಾ ಸಮೂಹ ಕೇವಲ 15,000 ಕೋಟಿ ರೂ.ಗಳನ್ನು ಮಾತ್ರವೇ ಠೇವಣಿ ಇರಿಸಿರುವುದನ್ನು ವರಿಷ್ಠ ನ್ಯಾಯಮೂರ್ತಿ ರಂಜನ್‌ ಗೊಗೋಯ್‌ ನೇತೃತ್ವದ ಪೀಠವು ಗಮನಿಸಿತು.