ಉತ್ತರ ಪ್ರದೇಶದಲ್ಲಿ ದೇವರ ಮತ್ತೊಂದು ವಿಗ್ರಹ ಭಗ್ನ

ಮುಜಫ‌ರನಗರ : ಉತ್ತರ ಪ್ರದೇಶದಲ್ಲಿ ಮೂರ್ತಿ ಭಗ್ನದ ಇನ್ನೊಂದು ಪ್ರಕರಣ ವರದಿಯಾಗಿದೆ. ಇಲ್ಲಿನ ಜನಕಪುರಿ ಪ್ರದೇಶದಲ್ಲಿ ಶಿವನ ಮೂರ್ತಿಯನ್ನು ಭಗ್ನಗೊಳಿಸಲಾಗಿದೆ.

ಸ್ಥಳೀಯರು ಎಂದಿನಂತೆ ದೇವಸ್ಥಾನಕ್ಕೆ ಹೋಗಿದ್ದಾಗ ಅಲ್ಲಿ  ಶಿವ ದೇವರ ಮೂರ್ತಿ ಭಗ್ನಗೊಂಡು ಬಿದ್ದಿರುವುದನ್ನು ಕಂಡು ದಿಗಿಲಾದರು. ಒಡನೆಯೇ ಅವರು ವಿಷಯವನ್ನು ಪೊಲೀಸರಿಗೆ ತಿಳಿಸಿದರು. 

ಕಳೆದ ಮೇ 11ರಂದು ಖತೋಲಿ ಪೊಲೀಸ್‌ ಠಾಣೆ ವ್ಯಾಪ್ತಿ ಪ್ರದೇಶದಲಿ  ಕವಿ-ಸಂತ ರವಿದಾಸ್‌ಅವರ ಮೂರ್ತಿಯನ್ನು ಭಗ್ನಗೊಳಿಸಲಾಗಿತ್ತು. ಮೇ 9ರಂದು ಶಾಮ್ಲಿ ಜಿಲ್ಲೆಯಲ್ಲಿ ಡಾ. ಬಿ ಆರ್‌ ಅಂಬೇಡ್ಕರ್‌ ಅವರ ಪ್ರತಿಮೆಯನ್ನು ಭಗ್ನಗೊಳಿಸಲಾಗಿತ್ತು.