ಆಸೀಸ್ ಗೆ ಗಾಯದ ಮೇಲೆ ಬರೆ: ಪಿಂಕ್ ಬಾಲ್ ಟೆಸ್ಟ್ ಗೂ ಮುನ್ನ ಪ್ರಮುಖ ಆಟಗಾರನಿಗೆ ಗಾಯ

ಅಡಿಲೇಡ್: ಪ್ರವಾಸಿ ಭಾರತ ವಿರುದ್ಧ ಮೊದಲ ಪಿಂಕ್ ಬಾಲ್ ಟೆಸ್ಟ್ ಪಂದ್ಯಕ್ಕೆ ಅಣಿಯಾಗುತ್ತಿರುವ ಆಸ್ಟ್ರೇಲಿಯಾ ತಂಡಕ್ಕೆ ಇದೀಗ ಮತ್ತೊಂದು ಸಮಸ್ಯೆ ಎದುರಾಗಿದೆ. ಈಗಾಗಲೇ ಗಾಯದ ಸಮಸ್ಯೆಯಿಂದ ಕೆಲವು ಆಟಗಾರರ ಸೇವೆಯನ್ನು ಕಳೆದುಕೊಂಡಿರುವ ಕಾಂಗರೂ ಪಡೆ ಇದೀಗ ಮತ್ತೋರ್ವ ಆಟಗಾರನ ಅಲಭ್ಯತೆ ಭೀತಿ ಎದುರಿಸುತ್ತಿದೆ.

ಟೆಸ್ಟ್ ಕ್ರಿಕೆಟ್ ನ ನಂಬರ್ 1 ಆಟಗಾರ ಸ್ಟೀವ್ ಸ್ಮಿತ್ ಗಾಯಗೊಂಡಿರುವುದು ಆಸೀಸ್ ತಂಡಕ್ಕೆ ಆಘಾತ ತಂದೊಡ್ಡಿದೆ. ತಂಡದ ಪ್ರಮುಖ ಆಟಗಾರನಾಗಿರುವ ಸ್ಮಿತ್ ಇಂದು ಅಡಿಲೇಡ್ ನಲ್ಲಿ ಅಭ್ಯಾಸ ಮಾಡುವ ವೇಳೆ ಬೆನ್ನುನೋವಿಗೆ ಒಳಗಾಗಿದ್ದಾರೆ.

ಇದನ್ನೂ ಓದಿ:ವಿಡಿಯೋ: ಕ್ರಿಕೆಟ್ ಮೈದಾನದಲ್ಲೇ ಸಹ ಆಟಗಾರನಿಗೆ ಹೊಡೆಯಲು ಹೋದ ಮುಶ್ಫೀಕರ್‌ ರಹೀಂ!

ಅಡಿಲೇಡ್ ನಲ್ಲಿ ಇಂದು ಅಭ್ಯಾಸದಲ್ಲಿ ತೊಡಗಿದ್ದ ಸ್ಮಿತ್ ಚೆಂಡನ್ನು ಹಿಡಿಯುವ ವೇಳೆ ಬೆನ್ನು ನೋವಿಗೆ ಒಳಗಾದರು. ಕೂಡಲೇ ಅವರು ಮೈದಾನವನ್ನು ತೊರೆದರು. ಇದು ಆಸೀಸ್ ತಂಡದ ಆತಂಕಕ್ಕೆ ಕಾರಣವಾಗಿದೆ.

ಗಾಯದ ಸಮಸ್ಯೆಯಿಂದಾಗಿ ತಂಡದಿಂದ ಈಗಾಗಲೇ ಡೇವಿಡ್ ವಾರ್ನರ್, ವಿಲ್ ಫುಕೋಸ್ಕಿ, ಶಾನ್ ಅಬೋಟ್, ಕ್ಯಾಮರೂನ್ ಗ್ರೀನ್, ಹ್ಯಾರಿ ಕ್ಯಾನ್ ವೇ, ಜಾಕ್ಸನ್ ಬರ್ಡ್ ಕೂಡಾ ಗಾಯಗೊಂಡಿದ್ದಾರೆ. ಇವರಲ್ಲಿ ಕ್ಯಾಮರೂನ್ ಗ್ರೀನ್ ಗುಣಮುಖರಾದರೆ ಮೊದಲ ಪಂದ್ಯ ಆಡಲಿದ್ದಾರೆ ಎಂದು ಆಸೀಸ್ ಕೋಚ್ ಜಸ್ಟಿನ್ ಲ್ಯಾಂಗರ್ ಹೇಳಿದ್ದಾರೆ.