Ankola ಗುಡ್ಡ ಕುಸಿತ: ಶಿರೂರು ಟೋಲ್‌ಗೇಟ್‌ನಲ್ಲೇ ಬಾಕಿಯಾದ ಲಾರಿಗಳು

ಬೈಂದೂರು: ಅಂಕೋಲಾ ಸಮೀಪದ ಶಿರೂರಿನಲ್ಲಿ ಕಳೆದ ಮೂರು ದಿನಗಳಿಂದ ಗುಡ್ಡ ಕುಸಿತ ಉಂಟಾದ ಪರಿಣಾಮಮ ಬಾರಿ ಗಾತ್ರದ ವಾಹನಗಳ ಸಂಚಾರವನ್ನು ನಿಷೇಧಿಸಲಾಗಿದೆ.

ಇದರಿಂದಾಗಿ ಶಿರೂರು ಟೋಲ್‌ಗೇಟ್‌ನಲ್ಲಿ ಸುಮಾರು 15ಕ್ಕೂ ಅಧಿಕ ಬೃಹತ್‌ ಟ್ಯಾಂಕರ್‌ ಮತ್ತು ಭಾರೀ ಗಾತ್ರದ ವಾಹನಗಳು ನಾಲ್ಕೈದು ದಿನಗಳಿಂದ ಬಾಕಿಯಾಗಿದೆ.

ಮಣ್ಣು ತೆರವು ಕಾರ್ಯ ಭರದಿಂದ ಸಾಗುತ್ತಿದ್ದು ಬೃಹತ್‌ ವಾಹನಗಳನ್ನು ಕುಮಟಾ ಹಾಗೂ ಶಿರೂರಿನಲ್ಲಿ ತಡೆಹಿಡಿಯಲಾಗುತ್ತಿದೆ. ಕಳೆದ ಐದು ದಿನಗಳಿಂದ ಮಳೆಯಲ್ಲೇ ವಾಹನ ನಿಲ್ಲಿಸುತ್ತಿದ್ದು ಮತ್ತು ರಸ್ತೆ ಸಂಚಾರಕ್ಕೆ ಅವಕಾಶ ಮಾಡಿಕೊಡದಿರುವುದರಿಂದ ಸಮಸ್ಯೆಯಾಗುತ್ತಿದೆ ಎಂದು ಲಾರಿ ಚಾಲಕರು ತಿಳಿಸಿದ್ದಾರೆ.