ಅಂಜಲಿ ಆರೋರಾ MMS ಲೀಕ್: ವಿಡಿಯೋ ವೈರಲ್‌ ಮಾಡಿದವರ ವಿರುದ್ದ ಮಾನನಷ್ಟ ಮೊಕದ್ದಮೆ ಹೂಡಿದ ನಟಿ

ಮುಂಬಯಿ: ಕಳೆದ ಕೆಲ ಸಮಯದ ಹಿಂದೆ ನಟಿ ಅಂಜಲಿ ಅರೋರಾ ಅವರದು ಎನ್ನಲಾದ ಎಂಎಂಎಸ್‌ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡಿತ್ತು. ಇದೀಗ ನಟಿ ಈ ಬಗ್ಗೆ ಕಾನೂನು ಕ್ರಮ ಕೈಗೊಳ್ಳಲು ಮುಂದಾಗಿದ್ದಾರೆ.

ಏನಿದು ಎಂಎಂಎಸ್‌ ಪ್ರಕರಣ?: 2022 ರಲ್ಲಿ ಯುವತಿಯೊಬ್ಬಳ ಆಶ್ಲೀಲ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ಲೀಕ್‌ ಆಗಿತ್ತು. ಈ ವಿಡಿಯೋ ನಟಿ ಅಂಜಲಿ ಆರೋರಾ ಅವರದೆನ್ನುವ ಮಾತುಗಳು ಎಲ್ಲೆಡೆ ಹಬ್ಬಿತ್ತು. ಈ ಬಗ್ಗೆ ಹಲವಾರು ಮಾಧ್ಯಮ ಪೋರ್ಟಲ್‌ಗಳು ಸುದ್ದಿ ಪ್ರಸಾರ ಮಾಡಿತ್ತು.

ಇದೀಗ ನಟಿ ಅಂಜಲಿ ಈ ಕುರಿತು ಕಾನೂನು ಕ್ರಮಕ್ಕೆ ಮುಂದಾಗಿದ್ದಾರೆ. ವಿಡಿಯೋ ಪ್ರಸಾರ ಮಾಡಿದ್ದ ಮಾಧ್ಯಮ ಪೋರ್ಟಲ್‌ಗಳು ಮತ್ತು ಯುಟ್ಯೂಬ್ ಚಾನೆಲ್‌ಗಳ ವಿರುದ್ಧ ಕ್ರಮ ತೆಗೆದುಕೊಳ್ಳಲು ನಿರ್ಧರಿಸಿದ್ದಾರೆ. ವಿಡಿಯೋವನ್ನು ಶೇರ್ ಮಾಡಿದ್ದ ಹಲವು ಪೋರ್ಟಲ್‌ಗಳ ವಿರುದ್ಧ ನಟಿ ಮಾನನಷ್ಟ ಮೊಕದ್ದಮೆ ಹೂಡಿದ್ದಾರೆ.

ಇದನ್ನೂ ಓದಿ: ನಿಶ್ಚಿತಾರ್ಥ ಸುದ್ದಿಯ ಬೆನ್ನಲ್ಲೇ ಜೊತೆಯಾಗಿ ವಿಯೆಟ್ನಾಂ ಸುತ್ತಾಡಿದ ರಶ್ಮಿಕಾ – ದೇವರಕೊಂಡ?

ವಿಡಿಯೋ ವೈರಲ್‌ ಆದ ಬೆನ್ನಲ್ಲೇ ನಟಿ ಅಂಜಲಿ ಇದು ತನ್ನದಲ್ಲ, ತನಗೆ ಆಗದವರು ನನ್ನ ಫೋಟೋ ಬಳಸಿ ಮಾರ್ಫ್ ಮಾಡಿದ್ದಾರೆ ಎಂದು ಸ್ಪಷ್ಟನೆ ನೀಡಿದ್ದರು.

ಕಂಗನಾ ರಣಾವತ್ ಅವರು ನಡೆಸಿಕೊಟ್ಟ ರಿಯಾಲಿಟಿ ಶೋ ʼಲಾಕ್ ಅಪ್‌ʼನಲ್ಲಿ ಅಂಜಲಿ ಖ್ಯಾತಿಯನ್ನು ಗಳಿಸಿದ್ದರು. ಆಕೆಯ ಸಹ-ಸ್ಪರ್ಧಿ ಮುನಾವರ್ ಫಾರೂಕಿ ಅವರೊಂದಿಗಿನ ನಿಕಟತೆಯ ಕಾರಣದಿಂದಾಗಿ ಅವರು ಗಮನ ಸೆಳೆದಿದ್ದರು. ಆದರೆ ಕಾರ್ಯಕ್ರಮ ಮುಗಿದ ಬಳಿಕ ಇಬ್ಬರು ರಿಲೇಷನ್‌ ಶಿಪ್‌ ವಿಚಾರವನ್ನು ಅಲ್ಲಗೆಲ್ಲದಿದ್ದರು.

ಇದಲ್ಲದೆ ಅಂಜಲಿ ಹಲವಾರು ಮ್ಯೂಸಿಕ್ ವೀಡಿಯೊಗಳಲ್ಲಿ ಕಾಣಿಸಿಕೊಂಡಿದ್ದಾರೆ ಮತ್ತು ಅವರು ಸಾಮಾಜಿಕ ಮಾಧ್ಯಮದಲ್ಲಿ ಅಪಾರ ಅಭಿಮಾನಿಗಳನ್ನು ಹೊಂದಿದ್ದಾರೆ.

ವರದಿಗಳ ಪ್ರಕಾರ, ಅಂಜಲಿ ಈಗಾಗಲೇ ಎಫ್‌ಐಆರ್ ದಾಖಲಿಸಿದ್ದಾರೆ. ಇದೀಗ ಪೊಲೀಸರು ಈ ಬಗ್ಗೆ ಅಧಿಕೃತ ತನಿಖೆಯನ್ನು ಆರಂಭಿಸಿದ್ದಾರೆ ಎನ್ನಲಾಗಿದೆ.