ಹಿಂದ್‌ಮಾತಾ ತಗ್ಗು ಪ್ರದೇಶದ  ರಸ್ತೆ ಎತ್ತರ ಹೆಚ್ಚಳ ಕಾರ್ಯಕ್ಕೆ ಚಾಲನೆ

ಮುಂಬಯಿ : ನಗರದ ಡಾ| ಬಾಬಾಸಾಹೇಬ್‌ ಅಂಬೇಡ್ಕರ್‌ ರಸ್ತೆಯಲ್ಲಿರುವ ಹಿಂದ್‌ಮಾತಾ ಫ್ಲೈಓವರ್‌ ಮತ್ತು ಪರೇಲ್‌ ಟಿಟಿ ಫ್ಲೈಓವರ್‌ ನಡುವಿನ ರಸ್ತೆಯ ಎತ್ತರವನ್ನು ಹೆಚ್ಚಿಸುವ ಕಾರ್ಯಕ್ಕೆ ಪರಿಸರ ಸಚಿವ ಆದಿತ್ಯ ಠಾಕ್ರೆ ಅವರು ಶುಕ್ರವಾರ ಚಾಲನೆ ನೀಡಿದರು.

ಈ ಸ್ಥಳದಲ್ಲಿ ರಸ್ತೆಯ ಎತ್ತರ ಹೆಚ್ಚಿಸುವುದರಿಂದ  ತಗ್ಗು ಪ್ರದೇಶ ಜಲಾವೃತಗೊಳ್ಳುವ ಸಮಸ್ಯೆ ಪರಿಹರಿ ಸಲು ಸಹಾಯವಾಗುವುದು ಎಂದು ಸಚಿವ ಆದಿತ್ಯ  ಠಾಕ್ರೆ ತಿಳಿಸಿದರು.

ಕಾರ್ಯಕ್ರಮದಲ್ಲಿ  ಮುಂಬಯಿ ಮೇಯರ್‌ ಕಿಶೋರಿ ಪೆಡೆ°àಕರ್‌, ಮಹಾನಗರ ಪಾಲಿಕೆಯ ಹೆಚ್ಚುವರಿ ಆಯುಕ್ತ ಪಿ. ವೇಲರಸು, ಜಿÇÉಾಧಿಕಾರಿ ವಿಜಯ್‌ ಬಾಲಂವಾರ್‌ ಮೊದಲಾದವರು ಉಪಸ್ಥಿತರಿದ್ದರು.

ಹಿಂದ್‌ಮಾತಾ ತಗ್ಗು ಪ್ರದೇಶಗಳಲ್ಲಿ ಡಾ| ಬಾಬಾಸಾಹೇಬ್‌ ಅಂಬೇಡ್ಕರ್‌ ರಸ್ತೆಯಲ್ಲಿ

ಭಾರೀ ಮಳೆಯಿಂದಾಗಿ ಸಂಚಾರ ದಟ್ಟಣೆ ಸಮಸ್ಯೆ ಯಾಗಿತ್ತು. ಆದುದರಿಂದ ನಿಗಮವು 180  ಮೀಟರ್‌ ರಸ್ತೆಯ ಎತ್ತರವನ್ನು ಪ್ರಸ್ತುತ ಮಟ್ಟದಿಂದ 1.2 ಮೀಟರ್‌ ಹೆಚ್ಚಿಸಲಿದೆ.

ಈ ವೇಳೆ ಮಹಾತ್ಮಾ ಗಾಂಧಿ ಮಾರುಕಟ್ಟೆಯಲ್ಲಿ ನಡೆಯುತ್ತಿರುವ ಮಿನಿ ಪಂಪಿಂಗ್‌ ಸ್ಟೇಷನ್‌ ಕಾಮಗಾರಿಗಳನ್ನೂ ಸಚಿವರು ಪರಿಶೀಲಿಸಿದರು. ಇದರ ಸಾಮರ್ಥ್ಯ ನಿಮಿಷಕ್ಕೆ 2.33 ಲಕ್ಷ ಲೀಟರ್‌ ಆಗಿದೆ. ಈ ಪಂಪಿಂಗ್‌ ಸ್ಟೇಷನ್‌ ಕೆಲಸವನ್ನು ಆದಷ್ಟು ಬೇಗ ಪೂರ್ಣಗೊಳಿಸಲು ನಿರ್ದೇಶನ ನೀಡಿದ್ದು, ಪ್ರವಾಹ ಪರಿಸ್ಥಿತಿಯಿಂದ ಉಂಟಾಗುವ ಸಮಸ್ಯೆಗಳನ್ನು ಪರಿಹರಿಸಲು  ಸಹಾಯ ಮಾಡುತ್ತದೆ ಎಂದು ಸಚಿವ ಆದಿತ್ಯ ಠಾಕ್ರೆ ಹೇಳಿದರು.