ನವದೆಹಲಿ: ರಾಜಸ್ಥಾನ್‌ ರಾಯಲ್ಸ್‌ ತಂಡದ ಆಟಗಾರ ರಿಯಾನ್‌ ಪರಾಗ್ ಅವರಿಗೆ ಈ ಬಾರಿಯ ಐಪಿಎಲ್‌ ಸ್ಮರಣೀಯ. ಬ್ಯಾಟಿಂಗ್‌ ನಲ್ಲಿ ಶ್ರೇಷ್ಠಮಟ್ಟದ ಆಟವನ್ನೀಡಿ ಮಿಂಚಿದ ಪರಾಗ್ ಐಪಿಎಲ್‌ ಬಳಿಕ ಇದೀಗ ಮತ್ತೊಂದು ವಿಚಾರಕ್ಕೆ ಸುದ್ದಿಯಾಗಿದ್ದಾರೆ.
ಐಪಿಎಲ್‌ ಸಮಯದಲ್ಲಿ ಸ್ಫೋಟಕ ಬ್ಯಾಟಿಂಗ್‌ ನಿಂದ ಶೈನ್‌ ಆದ ರಿಯಾನ್‌ ಪರಾಗ್ ಕಳೆದ ಒಂದು ದಿನದಿಂದ ಇಂಟರ್‌ ನೆಟ್‌ ನಲ್ಲಿ ಟ್ರೆಂಡ್‌ ಆಗಿದ್ದಾರೆ. ಪರಾಗ್ ತನ್ನ ಯೂಟ್ಯೂಬ್‌ ನಲ್ಲಿ ಹುಡುಕಿದ ಆ ವಿಚಾರದಿಂದ ಟಾಕ್‌ ಆಫ್‌ ದಿ ಟೌನ್‌ ಆಗಿ ನೆಟ್ಟಿಗರ ಗಮನ ಸೆಳೆದಿದ್ದಾರೆ.
ಆಗಿದ್ದೇನು?: ರಿಯಾನ್‌ ಪರಾಗ್ ಗೇಮಿಂಗ್ ಸೆಷನ್‌ಗಾಗಿ ಲೈವ್ ಸ್ಟ್ರೀಮ್‌ ಬಂದಿದ್ದರು. ಈ ವೇಳೆ ಪರಾಗ್ ಯೂಟ್ಯೂಬ್‌ ನಲ್ಲಿ ಕಾಪಿ ರೈಟ್‌ ಇಲ್ಲದ ಹಾಡನ್ನು ಪ್ಲೇ ಮಾಡಲು ಟ್ಯಾಬ್‌ ಬಂದ್‌ ಮಾಡಿ, ಯೂಟ್ಯೂಬ್‌ ನಲ್ಲಿ ಮ್ಯೂಸಿಕ್‌ ಹುಡುಕಲು ಆರಂಭಿಸಿದ್ದಾರೆ. ಈ ವೇಳೆ ಯೂಟ್ಯೂಬ್‌ ನಲ್ಲಿ ಮ್ಯೂಸಿಕ್‌ ಹುಡುಕುವಾಗ ಪರಾಗ್ ಅವರ ಯೂಟ್ಯೂಬ್‌ ಸರ್ಚ್ ಹಿಸ್ಟರಿ ಲೀಕ್ ಆಗಿದೆ.
ಸರ್ಚ್ ಹಿಸ್ಟರಿ ಸ್ಕ್ರೀನ್‌ ಶಾಟ್‌ ವೈರಲ್: ಇರೋದೇನು?: ಪರಾಗ್ ಸರ್ಚ್ ಹಿಸ್ಟರಿ ಕಣ್ಣಿಗೆ ಕಣ್ಣುತ್ತಿದ್ದಂತೆ ಅದನ್ನು ಕೆಲವರು ಸ್ಕ್ರೀನ್‌ ಶಾಟ್‌ ಆಗಿ ತೆಗೆದಿಟ್ಟುಕೊಂಡಿದ್ದಾರೆ. ಸರ್ಚ್ ಹಿಸ್ಟರಿಯಲ್ಲಿ ಈ ಹಿಂದೆ ಪರಾಗ್ ʼಅನನ್ಯಾ ಪಾಂಡೆ ಹಾಟ್‌ʼ, ʼಸಾರಾ ಆಲಿಖಾನ್‌ ಹಾಟ್‌ʼ, ʼವಿರಾಟ್‌ ಕೊಹ್ಲಿʼ ಎನ್ನುವುದನ್ನು ಹುಡುಕಿದ್ದಾರೆ.
ಈ ಸ್ಕ್ರೀನ್‌ ಶಾಟ್‌ ಕೆಲವೇ ನಿಮಿಷದಲ್ಲಿ ಸೋಶಿಯಲ್‌ ಮೀಡಿಯಾದಲ್ಲಿ ವೈರಲ್ ಆಗಿದೆ. ಪರಾಗ್ ಅವರನ್ನು ಈ ವಿಚಾರದಿಂದ ಕೆಲವರು ಟ್ರೋಲ್‌ ಮಾಡುತ್ತಿದ್ದು, ಇನ್ನು ಕೆಲವರು ಪರಾಗ್ ನಮ್ಮಂತೆಯೇ ಆತ ಏನು ತಪ್ಪನ್ನು ಹುಡುಕಿಲ್ಲ ಎಂದು ಬರೆದುಕೊಂಡಿದ್ದಾರೆ.
