Ambani ಮನೆ ಶ್ವಾನಕ್ಕೆ 4 ಕೋಟಿ ಕಾರಿನ ಸಂಚಾರ ಭಾಗ್ಯ!

ಮುಂಬೈ: ಮುಕೇಶ್‌ ಅಂಬಾನಿ ಪುತ್ರ ಅನಂತ್‌ ಅವರ ಅದ್ದೂರಿ ವಿವಾಹ ಸಮಾರಂಭ ಸುದ್ದಿಯಾಗಿದ್ದ ಬೆನ್ನಲ್ಲೇ ಇದೀಗ ಅಂಬಾನಿ ಮನೆಯ ಮುದ್ದಿನ ಶ್ವಾನ “ಹ್ಯಾಪಿ’ಯ ಐಷಾರಾಮಿ ಜೀವನ ಕಂಡು ನೆಟ್ಟಿಗರು ಹುಬ್ಬೇರಿಸಿದ್ದಾರೆ.

ಹ್ಯಾಪಿ ಸಂಚರಿಸುವುದಕ್ಕಾಗಿಯೇ ಅಂಬಾನಿ 4 ಕೋಟಿ ರೂ.ಗಳ ಕಾರು ಖರೀದಿಸಿಟ್ಟಿರುವ ವಿಚಾರ ವೈರಲ್‌ ಆಗಿದೆ. ಹ್ಯಾಪಿಯನ್ನು ಸಭೆ, ಸಮಾರಂಭಗಳಿಗೆ ಕರೆದೊಯ್ಯುಲೆಂದೇ ಮರ್ಸಿಡೀಸ್‌ ಬೆನ್ಸ್‌-400 ಡಿ ಕಾರನ್ನು ಅಂಬಾನಿ ಖರೀದಿಸಿಟ್ಟಿದ್ದಾರೆ.

ಈ ಹಿಂದೆ ಟೊಯೊಟಾ ಫಾರ್ಚೂನರ್‌, ಟೊಯೊಟಾ ವೆಲ್‌ಫೈರ್‌ ಕಾರುಗಳನ್ನು ಹ್ಯಾಪಿಗಾಗಿಯೇ ಖರೀದಿಸಿದ್ದರು ಎನ್ನಲಾಗಿದೆ.