ಹೊಸದಿಲ್ಲಿ: ಕೆಲ ದಿನಗಳ ಹಿಂದೆ ಕರ್ನಾಟಕದಲ್ಲಿ ನಂದಿನಿ ಹಾಲಿನ ದರ ಹೆಚ್ಚಿಸಿದಂತೆ ಇದೀಗ ಅಮುಲ್ ತನ್ನ ಹಾಲಿನ ದರ ಹೆಚ್ಚಿಸಿದೆ.
ಗುಜರಾತ್ ಡೈರಿ ಸಹಕಾರಿ ಅಮುಲ್ ಇಂದಿನಿಂದ ಜಾರಿಗೆ ಬರುವಂತೆ ತಾಜಾ ಹಾಲಿನ ಮೇಲೆ ಲೀಟರ್‌ಗೆ 3 ರೂ. ಹೆಚ್ಚಿಸಿದೆ. ಈ ಪರಿಷ್ಕರಣೆ ನಂತರ ಅಮುಲ್ ಗೋಲ್ಡ್ ಬೆಲೆ ಲೀಟರ್‌ ಗೆ 66 ರೂ. ಆಗಿದೆ.
ಅಮುಲ್ ತಾಜಾ ಲೀಟರ್‌ ಗೆ 54 ರೂ, ಅಮುಲ್ ಹಸುವಿನ ಹಾಲು ಲೀಟರ್‌ ಗೆ 56 ರೂ ಮತ್ತು ಅಮುಲ್ ಎ 2 ಎಮ್ಮೆಯ ಹಾಲಿಗೆ ಈಗ ಲೀಟರ್‌ ಗೆ 70 ರೂ.ಗಳಾಗಲಿದೆ ಎಂದು ಅಮುಲ್ ಗುರುವಾರ ಪ್ರಕಟಣೆಯಲ್ಲಿ ತಿಳಿಸಿದೆ.
ಇದನ್ನೂ ಓದಿ:ಕಲಾ ಸೇವೆಗೊಂದು ಗೌರವವಿರಲಿ… ಸಾವು-ನೋವಿನಲ್ಲೊಂದು ಸಾಂತ್ವನವಿರಲಿ…
ಗುಜರಾತ್ ಕೋಆಪರೇಟಿವ್ ಮಿಲ್ಕ್ ಮಾರ್ಕೆಟಿಂಗ್ ಫೆಡರೇಶನ್ (ಜಿಸಿಎಂಎಂಎಫ್) ತನ್ನ ಡೈರಿ ಉತ್ಪನ್ನಗಳನ್ನು ಅಮುಲ್ ಬ್ರಾಂಡ್‌ನಲ್ಲಿ ಮಾರಾಟ ಮಾಡುತ್ತಿದೆ. ಅಕ್ಟೋಬರ್‌ ನಲ್ಲಿ ತನ್ನ ಗೋಲ್ಡ್, ತಾಜಾ ಮತ್ತು ಶಕ್ತಿ ಬ್ರಾಂಡ್‌ಗಳ ಹಾಲಿನ ಬೆಲೆಯನ್ನು ಪ್ರತಿ ಲೀಟರ್‌ ಗೆ 2 ರೂ. ಹೆಚ್ಚಿಸಿತ್ತು.
ಹಾಲಿನ ಒಟ್ಟಾರೆ ಕಾರ್ಯಾಚರಣೆ ಮತ್ತು ಉತ್ಪಾದನೆಯ ವೆಚ್ಚದಲ್ಲಿ ಹೆಚ್ಚಳದಿಂದಾಗಿ ಬೆಲೆ ಏರಿಕೆ ಮಾಡಲಾಗಿದೆ. ದನಗಳ ಮೇವಿನ ವೆಚ್ಚವೇ ಸರಿಸುಮಾರು 20 ಪ್ರತಿಶತಕ್ಕೆ ಏರಿದೆ ಎಂದು ಅಮುಲ್ ಹೇಳಿದೆ.
