ನಾಸಾ ಯೋಜನೆಗೆ ಅಮಿತ್‌ ಕ್ಷತ್ರಿಯ ನೇಮಕ

ವಾಷಿಂಗ್ಟನ್‌:ಅಮೆರಿಕದ ಬಾಹ್ಯಾಕಾಶ ಸಂಸ್ಥೆ ನಾಸಾ ಕೈಗೊಳ್ಳಲು ಉದ್ದೇಶಿಸಿರುವ ಮಂಗಳ ಮತ್ತು ಚಂದ್ರಯಾನ ಯೋಜನೆಯ ಮುಖ್ಯಸ್ಥರನ್ನಾಗಿ ಭಾರತೀಯ ಮೂಲದ ಅಮಿತ್‌ ಕ್ಷತ್ರಿಯ ಅವರನ್ನು ನೇಮಕ ಮಾಡಲಾಗಿದೆ. ಅವರು ನಾಸಾ ಕೈಗೊಳ್ಳಲಿರುವ ಯೋಜನೆಗಳ ವಿನ್ಯಾಸ ಮತ್ತು ಅನುಷ್ಠಾನದ ಹೊಣೆ ಹೊರಲಿದ್ದಾರೆ. ಇದರ ಜತೆಗೆ ಅವರು ಅಮೆರಿಕದ ಬಾಹ್ಯಾಕಾಶ ಸಂಸ್ಥೆಯ ಅಧಿಕಾರಿಯಾಗಿಯೂ ಕರ್ತವ್ಯ ನಿರ್ವಹಿಸಲಿದ್ದಾರೆ.

ಸಾಫ್ಟ್ ವೇರ್‌ ಮತ್ತು ರೋಬೋಟಿಕ್‌ ಕ್ಷೇತ್ರದ ಪರಿಣತ ಎಂಜಿನಿಯರ್‌ ಆಗಿರುವ ಅಮಿತ್‌ ಕ್ಷತ್ರಿಯ, ಬಾಹ್ಯಾಕಾಶ ಕ್ಷೇತ್ರಕ್ಕೆ ಉದ್ಯೋಗಿಯಾಗಿ 2003ರಲ್ಲಿ ಪದಾರ್ಪಣೆ ಮಾಡಿದರು.

2014ರಿಂದ 2017ರ ವರೆಗೆ ಅಂತಾರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣದ ರೊಬೊಟಿಕ್‌ ನಿರ್ವಹಣೆಯನ್ನು ಅವರು ನಿರ್ವಹಿಸಿದ್ದರು. ಅಮೆರಿಕದ ಟೆಕ್ಸಸ್‌ನಲ್ಲಿ ಜನಿಸಿದ್ದಾರೆ.