Amethi;ನಾನು ಗಾಂಧಿ ಕುಟುಂಬದ ಸೇವಕನಲ್ಲ: ಕಾಂಗ್ರೆಸ್‌ ಅಭ್ಯರ್ಥಿ

ಅಮೇಠಿ: ನಾನೊಬ್ಬ ಶುದ್ಧ ರಾಜಕಾರಣಿಯೇ ಹೊರತು ಗಾಂಧಿ ಕುಟುಂಬದ ಸೇವಕನಲ್ಲ ಎಂದು ಅಮೇಠಿ ಲೋಕಸಭಾ ಕ್ಷೇತ್ರದ ಕಾಂಗ್ರೆಸ್‌ ಅಭ್ಯರ್ಥಿ ಕೆ.ಎಲ್‌.ಶರ್ಮಾ ಹೇಳಿದ್ದಾರೆ. ರಾಯ್‌ಬರೇಲಿ ಬಿಜೆಪಿ ಅಭ್ಯರ್ಥಿ ದಿನೇಶ್‌ ಪ್ರತಾಪ್‌ ಸಿಂಗ್‌, “ಅಮೇಠಿಯಲ್ಲಿ ಸ್ಮತಿ ಇರಾನಿ ಎದುರು ಕಾಂಗ್ರೆಸ್‌ನ ರಣಧೀರರು ತಮ್ಮ ಸೇವಕನನ್ನು ಕಣಕ್ಕಿಳಿಸಿದ್ದಾರೆ’ ಎಂದು ಹೇಳಿದ್ದರು.

ಈ ಹಿನ್ನೆಲೆಯಲ್ಲಿ ತಮ್ಮ ವಿರುದ್ಧದ ಆರೋಪಗಳಿಗೆ ಪ್ರತಿಕ್ರಿಯಿಸಿರುವ ಶರ್ಮಾ, “ನಾನು ಯುವ ಕಾಂಗ್ರೆಸ್‌ ಮೂಲಕ 1983ರಲ್ಲಿಯೇ ಅಮೇಠಿಗೆ ಬಂದವನು. ಅಂದಿನಿಂದಲೂ ನಾನು ರಾಜಕೀಯದಲ್ಲಿ ಸಕ್ರಿಯನಾಗಿದ್ದೇನೆಯೇ ಹೊರತು ಗಾಂಧಿ ಕುಟುಂಬದ ಅಡಿಯಾಳು ಅಲ್ಲ. ಹೈಕಮಾಂಡ್‌ ನಿರ್ಧಾರದಂತೆ ಚುನಾವಣೆಗೆ ಸ್ಪರ್ಧಿಸಿದ್ದು, ಸ್ಮತಿ ಇರಾನಿಯನ್ನು ಸೋಲಿಸುತ್ತೇನೆ’ ಎಂದಿದ್ದಾರೆ.