ಗಣಿಗ ರವಿ ಭೇಟಿಗೆ ಸಿಗದ ಅಂಬರೀಶ್‌ 

ಬೆಂಗಳೂರು: ಮಂಡ್ಯ ಕ್ಷೇತ್ರದ ಕಾಂಗ್ರೆಸ್‌ ಅಭ್ಯರ್ಥಿ ಗಣಿಗ ರವಿ, ಹಾಲಿ ಶಾಸಕ ಅಂಬರೀಶ್‌ ಅವರನ್ನು ಭೇಟಿ ಮಾಡಲು ಆಗಮಿಸುವ ಮೊದಲೇ ಅಂಬರೀಶ್‌ ಮನೆಯಿಂದ ತೆರಳಿದ ಪ್ರಸಂಗ ನಡೆದಿದೆ. 

ಪಕ್ಷದ ನಾಯಕರ ವಿರುದ್ಧ ಮುನಿಸಿಕೊಂಡಿರುವ ಅಂಬರೀಶ್‌ರನ್ನು ಮಂಡ್ಯದಲ್ಲಿ ತಮ್ಮ ಪರವಾಗಿ ಪ್ರಚಾರ ನಡೆಸಲು ಮನವಿ ಮಾಡಿಕೊಳ್ಳಲು ರವಿ ಗಣಿಗ ಬೆಂಗಳೂರಿನ ಅಂಬರೀಶ್‌ ಅವರ ಮನೆಗೆ ಭೇಟಿಗೆ ಹೊರಟಿದ್ದರು. ಈಮಾಹಿತಿ ಪಡೆದ ಅಂಬರೀಶ್ ಐಪಿಎಲ್‌ ಕ್ರಿಕೆಟ್‌ ನೋಡುವ ನೆಪದಲ್ಲಿ ಮನೆಯಿಂದ ಹೊರ ಹೋದರು.

ಈ ಸಂದರ್ಭದಲ್ಲಿ ಮಾಧ್ಯಮದವರಿಗೆ ಪ್ರತಿಕ್ರಿಯಿಸಿದ ಅಂಬರೀಶ್‌,”ನಾನೇ ಮಂಡ್ಯದಲ್ಲಿ ಅಭ್ಯರ್ಥಿ,ನಾನು ಕ್ರಿಕೆಟ್‌ ಮ್ಯಾಚ್‌ ನೋಡಲು ಹೋಗುತ್ತಿದ್ದೇನೆ’ ಎಂದು ಹೇಳಿ ಹೊರಟರು.